Прысутнасць

Няхай сэрца маё радуецца Тваёй любоўю, Пане.
Дазволь мне пражываць кожны дзень як новы.

Свабода

Пане, дазволь мне заўсёды
выконваць Тваю святую волю,
ведаючы, што Твая моц
правядзе мяне скрозь усе выпрабаванні.

Усведамленне

Пане, адкрый маё сэрца на тое, каб пачуць і прыняць Тваё Слова. Няхай гэта прынясе вялікі плён у маім жыцці і ў жыцці іншых людзей.

Божае слова

²⁵Будуць знакі на сонцы, месяцы і зорках, а на зямлі — трывога народаў і замяшанне ад гулу марскога хвалявання. ²⁶Людзі будуць млець ад страху і ад чакання таго, што прыйдзе на свет, бо пахіснуцца нябесныя моцы. ²⁷І тады ўбачаць Сына Чалавечага, які будзе ісці ў воблаку з моцаю і вялікай славаю. ²⁸Калі ж гэта пачне адбывацца, тады выпрастайцеся і падыміце галовы вашыя, бо набліжаецца вашае адкупленне».

³⁴Зважайце ж на сябе, каб сэрцы вашыя не былі абцяжараныя свавольным жыццём, п’янствам і жыццёвымі клопатамі, і каб дзень той не застаў вас неспадзявана, ³⁵бо ён, як пастка, прыйдзе на ўсіх, хто жыве на паверхні ўсёй зямлі. ³⁶Таму чувайце і маліцеся ўвесь час, каб вы маглі пазбегнуць усяго, што павінна адбыцца, і стаць перад Сынам Чалавечым».

Разважанне да Божага слова

Цягам Адвэнту мы павінны падрыхтавацца да святкавання прыйсця нашага Збаўцы Езуса Хрыста ў наш свет як аднаго з нас. Святы Лука раіць жыць так, каб мы ўпэўнена маглі стаяць перад Богам, калі Ён другі раз прыйдзе судзіць свет. Няхай гэты час Адвэнту стане для нас часам аднаўлення і больш глыбокай веры.

Бог заўсёды запрашае нас прыйсці да Яго і паставіць Яго ў цэнтр жыцця. Ці заўсёды я стаўлю Яго на першае месца ў сваім жыцці? Бог ніколі не можа заняць другое месца.

Размова

Твае ўласныя словы, Пане, навучылі мяне маліцца.
цудоўная малітва “Ойча наш”
змяшчае ўсё, што я хацеў бы сказаць.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн