Прысутнасць

Супакой Божы — гэта скарб са скарбаў, «каштоўная пярліна». Пане, дай мне спазнаць гэты супакой зараз, у Тваёй святой прысутнасці.

Свабода

Дзякуй, Пане, што маю свабоду.
Няхай жа я здолею выкарыстаць гэты дар, каб рабіць тое, што магу,
для прыгнечаных і абцяжараных людзей.

Усведамленне

Як вядома, на ўсё ёсць свой час і месца.
Пане, дай мне заўсёды жадаць
вяртацца ў Тваю прысутнасць,
слухаць Тваё слова.

Божае слова

¹³Прыносілі да Езуса дзяцей, каб Ён дакрануўся да іх. Але вучні забаранялі ім. ¹⁴Убачыўшы гэта, Езус абурыўся і сказаў ім: «Дазвольце дзецям прыходзіць да Мяне, не забараняйце ім, бо такім належыць Валадарства Божае. ¹⁵Сапраўды кажу вам: хто не прыме Валадарства Божага, як дзіця, той не ўвойдзе ў яго». ¹⁶І, абняўшы іх, благаславіў, ускладаючы на іх рукі.

Разважанне да Божага слова

Бацькі адчулі спагаду і чуласць Езуса і прывялі да Яго сваіх дзяцей, каб Ён благаславіў іх. Асаблівым чынам Валадарства Айца прызначана для маленькіх і несамадастатковых, якія ведаюць, што Бог – Тата, які любіць і клапоціцца пра іх. Існуе моцная сувязь паміж дзецьмі ў іх нявіннасці і Езусам, які заўсёды быў без граху. Дапамажы нам, Пане, заўсёды бачыць сябе дзецьмі Божымі.

У гэтым урыўку Евангелля маем добры прыклад Таго, хто назваў сябе «ціхім і пакорным сэрцам». У малітве мы сустракаемся з Езусам Хрыстом, які ўчора і сёння і навекі той самы.

Размова

“Заставайся і чувай са Мной”.
Гэта былі словы Твае, Пане, да вучняў,
перад Тваёй мукай і смерцю.
Я ведаю, Пане, Ты застанешся і будзеш чуваць нада мною
ва ўсе дні жыцця майго.

Заканчэнне

Я дзякую Богу за магчымасць правесці сам-насам з Ім некалькі хвілін,
і цяпер іду далей з радасцю і надзеяй
служыць Яго народу.

Амэн