Прысутнасць

“Супакойцеся і ведайце, што Я – Бог”. (Пс 46:10)
Пане, няхай Твой Дух вядзе мяне,
шукаць Тваёй Любячай прысутнасці
больш і больш. Таму што ў ёй
я знаходжу адпачынак і аднаўляю сілы
ў гэтым напружаным свеце.

Свабода

Дзякуй за дар свабоды, Пане.
Дай мне магчымасць верна ісці за Табою.
Дапамажы заўсёды памятаць пра шляхі Твае,
а таксама пра Тваю любоў і апеку над усім светам.

Усведамленне

Духу Святы, прыйдзі і пасяліся ўва мне. Дай мне пазнаць, што я ўмілаванае дзіця Божае.

Божае слова

²⁷Вы чулі, што сказана: “Не чужалож”. ²⁸А Я кажу вам: кожны, хто з пажадлівасцю глядзіць на жанчыну, ужо ўчыніў з ёю чужалоства ў сваім сэрцы. ²⁹Калі правае вока тваё спакушае цябе, вырві яго і адкінь ад сябе, бо лепей табе, калі загіне адзін з тваіх членаў, чым усё цела тваё будзе кінута ў геену.^{, 30}І калі правая рука твая спакушае цябе, адсячы яе і адкінь ад сябе, бо лепей табе, калі загіне адзін з тваіх членаў, чым усё цела тваё пойдзе ў геену.

³¹Сказана: “Калі хто адпускае жонку сваю, няхай дасць ёй разводны ліст”. ³²А Я кажу вам: кожны, хто развядзецца з жонкаю сваёю, акрамя як з прычыны распусты, той даводзіць яе да чужалоства, а хто ажэніцца з разведзенаю, той чужаложыць.

Разважанне да Божага слова

Езус прыйшоў да нас з новым навучаннем, новым віном Валадарства Божага, і вучыў з уладай, якая была ад Бога Айца. Езус заклікаў нас шанаваць і паважаць годнасць кожнага чалавека, паколькі ўсе мы – дзеці Божыя. Наш свет быў бы зусім іншым месцам, калі б усе гэта практыкавалі. Як мы ставімся да тых, хто нейкім чынам адрозніваецца ад нас?

Размова

Езу, Ты заўсёды сардэчна вітаў маленькіх дзяцей, калі хадзіў па гэтай зямлі.
Навучы мяне мець дзіцячы давер да Цябе,
памятаючы, што Ты ніколі не пакінеш мяне.

Заканчэнне

Я дзякую Богу за магчымасць правесці сам-насам з Ім некалькі хвілін,
і цяпер іду далей з радасцю і надзеяй
служыць Яго народу.

Амэн