Прысутнасць

Калі я прыходжу да Цябе, Пане,
Я ведаю, што знаходжуся ў прысутнасці майго Стварыцеля.
Ты стварыў мяне з любові.
Ты ведаеш нават, колькі валасоў у мяне на галаве.
Твая прысутнасць, о Пане, – найвялікшы дар.

Свабода

“Спакойна пакіньце мяне тут аднаго, у камеры, дзе ніколі не бывае сонечнага святла. Нават калі ніхто і ніколі не загаворыць са мной, гэтая залатая цішыня робіць мяне свабодным”. Частка верша, напісанага вязнем канцлагера Дахаў.

Усведамленне

О, Пане, дапамажы мне заўсёды
усведамляць важныя рэчы ў жыцці,
клапаціцца пра тых, хто побач,
шукаць Тваёй прысутнасці ва ўсіх, каго сустракаю.

Божае слова

³⁴Зважайце ж на сябе, каб сэрцы вашыя не былі абцяжараныя свавольным жыццём, п’янствам і жыццёвымі клопатамі, і каб дзень той не застаў вас неспадзявана, ³⁵бо ён, як пастка, прыйдзе на ўсіх, хто жыве на паверхні ўсёй зямлі. ³⁶Таму чувайце і маліцеся ўвесь час, каб вы маглі пазбегнуць усяго, што павінна адбыцца, і стаць перад Сынам Чалавечым».

Разважанне да Божага слова

Вялікая небяспека пасткі заключаецца ў раптоўнасці, з якой яна зачыняецца за сваімі ахвярамі. Зноў і зноў Евангелле заклікае нас «Чувайце і маліцеся!», каб не быць заспетымі знянацку. Айцы Касцёла вучылі жыць у стане пастаяннай малітвы. З надзеяй будзем прасіць аб тым, каб узрастаць у малітоўным жыцці, каб усё жыццё сталася малітвай. Толькі з Божай дапамогай гэта можа адбыцца. Звернемся таксама да Марыі, Маці Божай, каб Яна дапамагла нам і заступілася за нас.

Размова

Разважаючы над сённяшнім Евангеллем, што, на маю думку, Бог хоча, каб я пачуў ці ведаў у гэты час? Якую праўду Ён хоча прамовіць асабіста для мяне?

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн