Прысутнасць

На момант я спыняюся і разважаю пра жыватворчую прысутнасць Бога
Думаю, як рэчаіснасць навокал,
паветра, усё маё цела
іскрыць прысутнасцю Бога.

Свабода

Добры Божа, напоўні сэрца
жаданнем ведаць і любіць Цябе больш.
Дазволь паслухмяна адгукнуцца на Тваю волю адносна майго жыцця.

Усведамленне

Я існую ў сетцы адносін з прыродай, людзьмі, Богам.
Я прасочваю гэтыя ланцужкі сувязяў, дзякую за жыццё, якое цячэ па іх.
Некаторыя звёны пашкоджаныя або зламаныя: і адчуваю з-за гэтага жаль, гнеў, горыч.
Малюся аб дары прыняцця і прабачэння.

Божае слова

²¹Не кожны, хто кажа Мне: “Пане, Пане”, увойдзе ў Нябеснае Валадарства, але той, хто выконвае волю Айца Майго, які ў нябёсах.

²⁴Таму кожны, хто слухае гэтыя словы Мае і выконвае іх, будзе падобны да чалавека разумнага, які пабудаваў свой дом на скале. ²⁵Пайшоў дождж, разліліся рэкі, падзьмулі вятры і ўдарылі ў дом той, а ён не ўпаў, бо пастаўлены быў на скале. ²⁶Кожны, хто слухае гэтыя словы Мае і не выконвае іх, будзе падобны да неразумнага чалавека, які пабудаваў свой дом на пяску. ²⁷Пайшоў дождж, разліліся рэкі, падзьмулі вятры і ўдарылі ў дом той; і ён упаў, і падзенне яго было вялікае».

Разважанне да Божага слова

Езус адрознівае два тыпы слухання: слуханне, якое прыводзіць да дзеяння і нейкіх станоўчых вынікаў, і слуханне, якое не прыносіць нічога канструктыўнага. Ён заклікае нас пераканацца, што нашае слуханне прыносіць штосьці на самай справе вартае. Актыўнае слуханне дапаможа нам зразумець Божую задуму і фармаваць лад жыцця.

Ці я трымаю вочы і вушы пастаянна адкрытымі і пільнымі? Ці яны заўважаюць моманты, калі сам Езус прыходзіць да мяне? Ці дапамагаюць шукаць і знаходзіць Яго ва ўсім?

Размова

Дар маўлення – цудоўны дар.
Навучы мяне выкарыстоўваць гэты дар з дабрынёй.
Няхай я буду марудны да выказвання рэзкіх,
крыўдных, гнеўных і жорсткіх слоў.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн