Прысутнасць

Раблю паўзу перад тым, як увайсці ў малітву,
і думаю пра любоў і шматлікія ласкі,
якімі Бог абсыпае мяне,
ствараючы мяне паводле вобраза і падабенства Свайго,
будуючы мяне як Сваю святыню…

Свабода

Пане, дапамажы мне адпусціць неспакой, крыўды і страхі,
якія часам так неадчэпна ходзяць за мной.
Дазволь мне адкрыць рукі і сэрца, каб свабодна прыняць
усе дары, неабходныя мне ў гэты час.

Усведамленне

Як вядома, на ўсё ёсць свой час і месца.
Пане, дай мне заўсёды жадаць
вяртацца ў Тваю прысутнасць,
слухаць Тваё слова.

Божае слова

²⁷Калі Езус адыходзіў адтуль, ішлі за Ім двое сляпых, якія крычалі: «Змілуйся над намі, Сыне Давіда!» ²⁸Калі ж Ён прыйшоў у дом, сляпыя падышлі да Яго, а Езус сказаў ім: «Ці верыце, што Я магу зрабіць гэта?» Яны адказалі Яму: «Так, Пане». ²⁹Тады Ён дакрануўся да іхніх вачэй і сказаў: «Няхай станецца вам паводле веры вашай». ³⁰І адкрыліся іхнія вочы. Але Езус строга наказаў ім: «Глядзіце, каб ніхто не даведаўся». ³¹Аднак яны, калі выйшлі, абвясцілі пра гэта па ўсёй той зямлі.

Разважанне да Божага слова

Двое сляпых пайшлі за Езусам і даволі выразна выказалі сваю інтэнцыю, хоць, будучы сляпымі, ім, напэўна, было цяжка падтрымліваць блізкі кантакт. Мы таксама не можам бачыць Езуса сваімі фізічнымі вачыма, але ідзём за Ім. Іх вера, што Ён па сваёй дабрыні зробіць нешта цудоўнае, выглядае даволі відавочнай, і ўсё ж Езус змушае іх выразна выказаць уголас свой давер і просьбу.

Калі мы аб нечым просім Бога, ці гэтаксама відавочная нашая вера?

Размова

Каб камунікаваць, нам не заўсёды трэба размаўляць.
Калі ўяўляю сябе поруч з Езусам…
і проста гляджу на Яго, а Ён на мяне…
…як я сябе адчуваю?

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн