Лк 13:1-9
1У той самы час прыйшлі некаторыя і расказалі Яму пра галілейцаў, кроў якіх Пілат змяшаў з іх ахвярамі. 2А Ён адказаў ім на гэтае: «Думаеце, што гэтыя галілейцы былі большымі грэшнікамі за ўсіх галілейцаў, калі так пацярпелі? 3Не, кажу вам; але калі не пакаецеся, усе таксама загінеце. 4Думаеце, што тыя васямнаццаць, на якіх упала сілаамская вежа і забіла іх, былі больш вінаватыя за ўсіх людзей, якія жылі ў Ерузалеме? 5Не, кажу вам; але калі не пакаецеся, усе таксама загінеце».
6І расказаў такую прыпавесць: «Адзін чалавек меў у сваім вінаградніку пасаджаную смакоўніцу і прыйшоў шукаць на ёй плоду, але не знайшоў. 7Тады сказаў вінаградару: “Вось я трэці год прыходжу шукаць плоду на гэтай смакоўніцы, і не знаходжу. Ссячы яе. Навошта яна займае зямлю?” 8Але той сказаў яму ў адказ: “Пане, пакінь яе на гэты год. Я абкапаю яе і абкладу гноем. 9Можа, прынясе плод у будучым, а калі не, ссячэш яе”».
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Лк 13:1-9
Разважанне да Божага слова - 2026-10-24 Штодзённая малітва
Езус паставіў пад сумнеў мысленне тых, хто меркаваў, што няшчасці здараюцца як Божае пакаранне. Забойства галілеян Пілатам было жахлівай трагедыяй, гэтаксама як і смерць людзей, якія загінулі падчас абвалу вежы. Народ, верагодна, чакаў, што Езус асудзіць злосць і ліхадзейства Пілата. Аднак Ён заклікаў да пакаяння і расказаў прыпавесць пра спагадлівага садоўніка, які даглядаў дрэва, што не прыносіла пладоў. Магчыма, сёння ты захочаш памаліцца аб тым, каб Бог кіраваў табой і каб даў падказку, як тваё жыццё можа прыносіць плод у Божых вачах.