Лк 18:35-43

³⁵Калі Ён падыходзіў да Ерыхона, адзін сляпы сядзеў пры дарозе, просячы міласціну. ³⁶Пачуўшы, што праходзіць натоўп, распытваўся, што гэта такое. ³⁷Яму сказалі, што праходзіць Езус Назаранін. ³⁸Тады ён закрычаў: «Езу, Сыне Давіда, змілуйся нада мною!» ³⁹Тыя, што ішлі наперадзе, загадвалі яму, каб змоўк. Ён жа яшчэ мацней крычаў: «Сыне Давіда, змілуйся нада мною!» ⁴⁰Спыніўшыся, Езус загадаў прывесці яго да сябе. Калі той наблізіўся да Яго, спытаўся: ⁴¹«Што хочаш, каб Я зрабіў табе?» Той адказаў: «Пане, каб я зноў бачыў». ⁴²І Езус сказаў яму: «Будзь відушчым! Вера твая ўратавала цябе». ⁴³Той адразу стаў бачыць і пайшоў за Ім, славячы Бога. І ўвесь народ, убачыўшы гэта, узнёс хвалу Богу.

“Copyright © 2021 National Council of Churches of Christ in the United States of America. Used by permission. All rights reserved worldwide.”