Лк 23:35-43

³⁵А людзі стаялі і глядзелі. І кіраўнікі іхнія таксама насміхаліся, кажучы: «Іншых ратаваў, няхай сябе ўратуе, калі Ён Месія, выбраны Богам!» ³⁶Жаўнеры таксама здзекаваліся з Яго, падыходзілі і падавалі Яму воцат, ³⁷кажучы: «Калі Ты кароль юдэйскі, уратуй сябе!» ³⁸І быў над Ім надпіс: «Гэта кароль юдэйскі».

³⁹Адзін з павешаных на крыжы злачынцаў зневажаў Яго, кажучы: «Ці Ты не
Хрыстус? Уратуй сябе і нас!» 4^0Але другі папракнуў яго, кажучы: «Нават Бога ты не баішся, хоць маеш тую самую кару? ⁴¹Мы асуджаны справядліва, бо
атрымліваем належнае за нашыя ўчынкі. Ён жа нічога дрэннага не зрабіў». ⁴²І сказаў: «Езу, узгадай мяне, калі прыйдзеш у сваё Валадарства». ⁴³А Езус адказаў яму: «Сапраўды кажу табе: сёння будзеш са Мною ў раі».

“Copyright © 2021 National Council of Churches of Christ in the United States of America. Used by permission. All rights reserved worldwide.”