Мк 12:1-12

¹I пачаў Езус гаварыць да іх у прыпавесцях: “Адзін чалавек пасадзіў вінаграднік, абнёс яго агароджай, выкапаў сток пад давілам, пабудаваў вежу ды, аддаўшы яго вінаградарам, паехаў. ²А ў адпаведны час паслаў да вінаградараў слугу, каб той узяў у вінаградараў частку з пладоў вінаградніку. ³Але яны, схапіўшы яго, збілі і адаслалі ні з чым. ⁴Тады зноў паслаў да іх іншага слугу, і гэтаму зpанілі галаву і зняважылі. ⁵Паслаў яшчэ аднаго, і яго забілі, а шмат іншых ці пабілі, ці пазабівалі^{. 6}Маючы яшчэ аднаго, умілаванага сына, паслаў яго апошнім да іх, кажучы: “Ушануюць сына майго”. ⁷Але вінаградары сказалі адзін аднаму: “Гэта спадкаемца. Хадземце, заб’ем яго, і
спадчына будзе наша”. ⁸І, схапіўшы, забілі яго і выкінулі з вінаградніку. ⁹Дык
што зробіць гаспадар вінаградніку? Ён прыйдзе і знішчыць вінаградараў, а вінаграднік аддасць іншым. ¹⁰Няўжо вы не чыталі гэтага ў Пісанні:

“Камень, адкінуты будаўнікамі, стаў галавою вугла.

¹¹Пан учыніў гэта, і дзіўнае яно ў вачах нашых”?»

¹²І яны намагаліся схапіць Езуса, бо зразумелі, што гэтая прыпавесць супраць іх, але баяліся натоўпу. Таму, адпусціўшы Яго, адышлі.

“Copyright © 2021 National Council of Churches of Christ in the United States of America. Used by permission. All rights reserved worldwide.”