Мц 13:24-32
24Іншую прыпавесць прапанаваў ім, кажучы: «Валадарства Нябеснае падобнае да чалавека, які пасеяў добрае насенне на полі сваім. 25Калі ж людзі спалі, прыйшоў вораг яго і пасеяў між пшаніцаю каласоўнік, і пайшоў. 26Калі ж збажына ўзышла і дала плён, тады паказаўся каласоўнік. 27Прыйшоўшы, слугі гаспадара дому сказалі яму: “Пане, ці ж не добрае насенне пасеяў ты на сваім полі? Адкуль жа на ім каласоўнік?” 28А ён сказаў ім: “Варожы чалавек зрабіў гэта”. Тады слугі сказалі яму: “Хочаш, мы пойдзем выпалаць яго?” 29Але ён сказаў: “Не, каб, выбіраючы каласоўнік, вы не павырывалі разам з ім і пшаніцы. 30Пакіньце расці разам тое і другое аж да жніва; а ў час жніва Я скажу жняцам: збярыце спачатку каласоўнік і звяжыце яго ў пучкі, каб спаліць, а пшаніцу збярыце ў засекі мае”».
31Пасля Ён прапанаваў ім іншую прыпавесць, кажучы: «Валадарства Нябеснае падобнае да гарчычнага зерня, якое ўзяў чалавек і пасеяў на полі сваім. 32Хоць яно меншае за ўсялякае насенне, калі вырасце, бывае вышэйшым за іншыя расліны і становіцца дрэвам, так што прылятаюць птушкі нябесныя і гняздзяцца ў галінах яго».
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Мц 13:24-32
Разважанне да Божага слова - 2026-03-17 Штодзённая малітва
Фраза «лепшае — вораг добрага» азначае, што, будучы занадта ідэалістычнымі, мы часам можам упусціць магчымасць зрабіць штосьці проста добрае; мы стараемся пацэліць занадта высока і прамахваемся, а ў выніку нічога не робім. У сённяшняй прыпавесці слугі гаспадара здзіўлены — пасеяна было толькі добрае насенне, а на палетках узышло пустазелле. Яны хочуць павырываць усе кепскія парасткі, але гаспадар мае мудрасць стрымаць слуг. Так і ў нашым жыцці. Не заўсёды лёгка адрозніць расліны, якія абяцаюць добры ўраджай, ад пустазелля. Будзем прасіць аб святле для распазнавання.