Мц 19:16-22
16І вось, да Яго падышоў адзін чалавек і сказаў: «Настаўнік, што добрага зрабіць мне, каб мець жыццё вечнае?» 17Ён адказаў яму: «Чаму пытаешся ў Мяне пра дабро? Адзін ёсць Добры! Калі хочаш увайсці ў жыццё, захоўвай запаведзі». 18Той спытаўся ў Яго: «Якія?» Езус адказаў: «Не забівай, не чужалож, не крадзі, не сведчы фальшыва, 19шануй бацьку і маці, любі бліжняга свайго, як самога сябе». 20Юнак сказаў Яму: «Усё гэта я захоўваў, чаго яшчэ нестае мне?» 21Езус адказаў яму: «Калі хочаш быць дасканалым, ідзі, прадай маёмасць сваю і раздай убогім, і будзеш мець скарб у нябёсах; пасля прыходзь і ідзі за Мною». 22Пачуўшы сказанае, юнак адышоў маркотны, бо меў вялікую маёмасць.
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Мц 19:16-22
Разважанне да Божага слова - 2025-08-18 Штодзённая малітва
Прывязанасць юнака да свайго багацця стала неадольнай перашкодай. Ён прагнуў вечнага жыцця, але не любой цаной. Як выявілася, вечнасць усё ж не была яго прыярытэтам. Святы Павел у Пасланні да Каласянаў 3:5 кажа нам, што “хцівасць з’яўляецца ідалапаклонствам”. Першая з Дзесяці запаведзяў гучыць: «Не май іншых багоў, апроч Мяне».
Папа Францішак не раз заклікаў нас паразважаць пра ідалаў, якія могуць стаць перашкодамі на нашым шляху да вечнага жыцця.