Ян 14:21-26
21Хто мае запаведзі Мае і захоўвае іх, той любіць Мяне. А хто любіць Мяне, таго палюбіць Айцец Мой, і Я палюблю яго, і аб’яўлюся яму». 22Юда, не Іскарыёт, кажа Яму: «Пане, як сталася, што Ты хочаш аб’явіцца нам, а не свету?» 23Езус сказаў яму ў адказ: «Калі хто любіць Мяне, той захоўвае слова Маё, і палюбіць таго Айцец Мой, і прыйдзем да яго, і зробім жыллё ў яго.
24Хто не любіць Мяне, той не захоўвае слоў Маіх. А слова, якое вы чуеце, не Маё, а Айца, які паслаў Мяне.
25“Я сказаў вам гэта, будучы з вамі. 26А Суцяшыцель, Дух Святы, якога Айцец пашле ў імя Маё, навучыць вас усяму і нагадае вам пра ўсё, што Я сказаў вам.
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Ян 14:21-26
Разважанне да Божага слова - 2026-05-04 Штодзённая малітва
У нас розныя ўяўленні пра працу Святога Духа. Хоць Яго прышэсце пазнаецца ў знаках і вялікіх справах, гэта перш за ўсё досвед Суцяшыцеля. Што такое гэтае “жыллё” Бога ўва мне? Гэта мая канкрэтная асабістая гісторыя, будзённыя справы, сустрэчы, сітуацыі, якія хвалююць і кранаюць кожнага з нас! Толькі сам чалавек можа знайсці месца для Бога ў сваім жыцці, распавесці пра падзеі, пачуцці і мары, падзякаваць Яму за добрыя рэчы, папрасіць падтрымкі ў складанай сітуацыі. Як ты ўспрымаеш сферу кантакту з Богам: як вельмі абмежаваны шлях, ці, магчыма, як шырокую шашу з вялікімі магчымасцямі? Ці марыш пра большае?