Прысутнасць

Бог чакае мяне, Ён тут,
удыхаючы жыццё ў мяне і ва ўсё, што навокал мяне.
Застаюся ў цішыні адну-дзве хвіліны
і ўсведамляю Божую любячую прысутнасць.

Свабода

«Вельмі мала людзей,
якія разумеюць, што з імі зрабіў бы Бог,
калі б яны аддаліся ў Ягоныя рукі,
і дазволілі Ягонай ласцы сфармаваць сябе» (Святы Ігнацый).
Прашу аб ласцы цалкам даверыцца Божай любові.

Усведамленне

Як вядома, на ўсё ёсць свой час і месца.
Пане, дай мне заўсёды жадаць
вяртацца ў Тваю прысутнасць,
слухаць Тваё слова.

Божае слова

⁵¹Калі надышлі дні Яго ўзнясення, Ён цвёрда вырашыў ісці ў Ерузалем ⁵²і выслаў пасланцоў перад сабою. Пайшоўшы, яны ўвайшлі ў самаранскую вёску, каб падрыхтаваць Яму побыт. ⁵³Але там не прынялі Яго, бо Ён накіроўваўся ў Ерузалем. ⁵⁴Калі вучні Якуб і Ян убачылі гэта, сказалі: «Пане, хочаш, мы скажам, каб агонь сышоў з неба і знішчыў іх?» ⁵⁵Але Ён, абярнуўшыся, забараніў ім. ⁵⁶І пайшлі ў іншую вёску.

Разважанне да Божага слова

Ва ўзросце дванаццаці гадоў Езус адправіўся ў Ерузалем, дзе, як Ён абвясціў, павінен быць у доме Айца (Лк 2:49). Настаў вырашальны момант, калі Ён цвёрда вырашыў ісці ў Ерузалем, бо важныя падзеі павінны былі адбыцца там. Памолімся, каб мы вырушылі разам з ім, бо менавіта там Ён завершыць сваю місію.

‘Калі набліжаліся дні ўзнясення Езуса… ’. Падарожжа ў Ерузалем мела ясную мэту. Пане, няхай у нас будзе яснасць адносна таго, у якім накірунку Ты ішоў, каб мы не адцягваліся ад шляху, якім Ты хочаш нас правесці. Няхай страх не стрымлівае нас.

Размова

Пане, я ведаю, што калі я звяртаюся да Цябе, мне не патрэбныя словы.
Ты бачыш сэрца.
Ты ведаеш мае жаданні і патрэбы.
Аддаю сябе ў Твае рукі.

Заканчэнне

Я дзякую Богу за магчымасць правесці сам-насам з Ім некалькі хвілін,
і цяпер іду далей з радасцю і надзеяй
служыць Яго народу.

Амэн