Прысутнасць

Прыгадаю сабе, што ў гэты момант,
Бог глядзіць на мяне з любоўю і падтрымлівае жыццё.
Затрымаюся на некаторы час у Ягоным позірку.

Свабода

Я прашу аб ласцы
адкласці ўсе свае турботы
і быць адкрытым на ўсё, чаго Бог просіць ад мяне,
каб мяне вёў і фармаваў мой любячы Стварыцель.

Усведамленне

Духу Святы, прыйдзі і пасяліся ўва мне. Дай мне пазнаць, што я ўмілаванае дзіця Божае.

Божае слова

⁴²Гора вам, фарысеям, што даеце дзесятую частку з мяты, руты і ўсякай гародніны, а абмінаеце суд і любоў Божую! І гэта трэба было рабіць, і таго не пакідаць. ⁴³Гора вам, фарысеям, бо любіце першыя месцы ў сінагогах і прывітанні на рынках! ⁴⁴Гора вам, бо вы, быццам магілы нябачныя, па якіх ходзяць людзі і не ведаюць гэтага!»

⁴⁵У адказ нехта з кніжнікаў сказаў Яму: «Настаўнік, кажучы гэта, Ты абражаеш нас». ⁴⁶А Ён сказаў: «І вам, кніжнікам, гора, бо ўскладаеце на людзей нязносныя цяжары, хоць самі і адным пальцам не кранаеце гэтых цяжараў.

Разважанне да Божага слова

Калі занадта шмат увагі надаецца дэталям, больш шырокая карціна вымыкаецца з увагі. Часцей так бывае ў сітуацыях, калі задзейнічана занадта шмат асабістых інтарэсаў. Пане, дапамажы нам захаваць пачуццё перспектывы, каб Ты мог быць у цэнтры нашай увагі.

Тыя, хто канцэнтраваўся на законе, у дадзеным выпадку на рэлігійных прадпісаннях, засяодзіліся на іх вонкавым прымяненні, не разумеючы, для чаго яны патрэбныя. Надзвычай важна ясна ўсведамляць канчатковую мэту, каб магчы палегчыць цяжар іншых і не ўскладаць на іх празмерныя абавязкі.

Размова

Якія пачуцці, пытанні, сумненні ці натхненні выклікала ўва мне сённяшняе Евангелле? Аддаю Езусу ўсё, што адчуваю і думаю, ведаючы, што Ён сапраўды са мной быў, ёсць і будзе.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн