Прысутнасць

Душа мая прагне Тваёй прысутнасці, Пане. Калі я скіроўваю свае думкі да Цябе, я знаходжу спакой і суцяшэнне.

Свабода

Буду прасіць Божай дапамогі, каб
быць свабодным ад прадузятасці,
быць адкрытым на Бога падчас малітвы, і
больш пазнаваць, любіць і служыць Яму.

Усведамленне

Калі вяртаюся да паўсядзённых спраў,
нагадай мне, Пане,
што Ты заўсёды побач.
І мне ніколі не трэба адчайвацца.

Божае слова

¹¹Сапраўды кажу вам: сярод народжаных жанчынамі не з’явіўся большы за Яна Хрысціцеля. Але найменшы ў Нябесным Валадарстве большы за яго. ¹²З часоў Яна Хрысціцеля і дагэтуль Валадарства Нябеснае здабываецца сілай, і гвалтоўныя людзі захопліваюць яго. ¹³Бо ўсе прарокі і Закон прарочылі аж да Яна. ¹⁴Калі вы захочаце прыняць, то ён — Ілля, які павінен прыйсці. ¹⁵Хто мае вушы, няхай слухае.

Разважанне да Божага слова

Пропаведзь Яна Хрысціцеля завяршае Стары Запавет і адкрывае Новы, які пачынаецца з жыцця, смерці і ўваскрасення Езуса.
Мы жывём у эру Новага Запавету, маем сведчанні і прыклад мноства святых і мучанікаў больш чым за дзве тысячы гадоў хрысціянства.
Аднак нам яшчэ трэба змагацца, каб дасягнуць Валадарства Нябеснага.

Мы маем дар Духа Святога, дадзены нам і нашаму Касцёлу. Наколькі добра мы выкарыстоўваем гэтыя дары?

Размова

Памятаючы, што я ў прысутнасці Бога,
уяўляю Езуса побач
і кажу ўсё, што цяпер маю на думцы і на сэрцы,
размаўляючы як сябра з сябрам.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн