Прысутнасць

Запавольваюся і думаю пра любоў
і ласку, якімі Бог ахінае мяне:
Я створаны паводле вобразу і падабенству Божаму;
у глыбіні майго сэрца жыве Бог .

Свабода

Напоўні мяне Духам Тваім Святым, Пане,
дзеля ўнутранай свабоды.
Няхай Твой Дух узбудзіць у сэрцы
жаданне ведаць і любіць Цябе з кожным днём усё больш.

Усведамленне

Калі я размаўляю з Табою, Божа,
дапамажы мне ўзрастаць ва ўдзячнасці за дар камунікацыі.
Учыні так, каб я гаварыў за тых, хто не мае голасу
і заўсёды меў добрае слова для людзей у патрэбе.

Божае слова

¹⁶З кім параўнаю пакаленне гэтае? Яно падобна да дзяцей, што сядзяць на рынку і, звяртаючыся да іншых, кажуць:

¹⁷“Мы гралі вам на жалейцы, а вы не танцавалі, мы спявалі журботныя песні, а вы не плакалі”.

¹⁸А прыйшоў Ян, які не еў і не піў, і яны кажуць: “У ім злы дух!” ¹⁹Прыйшоў Сын Чалавечы, які есць і п’е, і кажуць: “Гэты чалавек абжора і п’яніца, прыяцель мытнікаў і грэшнікаў!” І была апраўдана мудрасць справамі сваімі».

Разважанне да Божага слова

Людзі ў Юдэі і Галілеі атрымалі незвычайную магчымасць: іх Бог хадзіў сярод іх і чыніў вялікія цуды. Стагоддзямі людзі прагнулі бачыць тое, што адбывалася, і чуць тое, што казаў Езус. Але, маючы жорсткія сэрцы, іх лідары заплюшчылі вочы свайго розуму. Няма такіх сляпых, як тыя, хто не хоча бачыць.

Наколькі я адкрыты да паслання Добрай Навіны? Ці выкарыстоўваю ўсе сродкі, каб узрастаць у разуменні Слова і пазнанні Пана?

Размова

Пане, дапамажы мне злучыцца з Табою. Я не заўсёды ведаю, як, але хачу атрымаць Тваю любоў і адкрываю далоні і сэрца. Калі ласка, прыдзі да мяне сёння.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн