Прысутнасць

Кожны момант напоўнены хвалебнай прысутнасцю Бога. Калі я ўсё больш і больш аддаюся цеснай еднасці з Тым, хто стварыў мяне, адкрываю, што ў мяне проста няма часу турбавацца.

Свабода

Малюся аб ласцы, каб паверыць
у тое, кім я магу стаць і што рабіць,
калі толькі дазволю Богу, майму Стварыцелю, які так мяне любіць,
працягваць ствараць, накіроўваць і фармаваць мяне.

Усведамленне

Калі я тут з Табой, Пане,
я ўсведамляю, колькі благаслаўленняў Ты мне даеш.
Думаю пра любоў і ласкі ў маім жыцці,
і адчуваю ўдзячнасць.

Божае слова

¹⁰Вучні ж спыталіся ў Яго: «Чаму кніжнікі кажуць, што Ілля мае прыйсці першым?» ¹¹Ён адказаў ім: «Ілля сапраўды прыйдзе і адновіць усё. ¹²Але кажу вам, што Ілля ўжо прыйшоў, і не пазналі яго, а зрабілі з ім, што хацелі. Так і Сын Чалавечы будзе цярпець ад іх». ¹³Тады зразумелі вучні, што Ён казаў ім пра Яна Хрысціцеля.

Разважанне да Божага слова

Многія лічылі Яна Хрысціцеля вялікім прарокам, Іллёй, які нейкім чынам вярнуўся. Праз сваё служэнне ён прыгадваў старыя прароцтвы, у якіх народ заклікалі падрыхтаваць шлях для канчатковага выканання абяцанняў.

Езус ведаў, што яны зробяць з Ім тое, што са старажытнымі прарокамі. Пагавары з Ім зараз пра тое, як Яму было: насіць у сабе цяжар гэтага ведання, калі Ён выконваў сваю місію перад абліччам супраціву.

Размова

Якія пачуцці, пытанні, сумненні ці натхненні выклікала ўва мне сённяшняе Евангелле? Аддаю Езусу ўсё, што адчуваю і думаю, ведаючы, што Ён сапраўды са мной быў, ёсць і будзе.

Заканчэнне

Я дзякую Богу за магчымасць правесці сам-насам з Ім некалькі хвілін,
і цяпер іду далей з радасцю і надзеяй
служыць Яго народу.

Амэн