Прысутнасць

Раблю паўзу перад тым, як увайсці ў малітву,
і думаю пра любоў і шматлікія ласкі,
якімі Бог абсыпае мяне,
ствараючы мяне паводле вобраза і падабенства Свайго,
будуючы мяне як Сваю святыню…

Свабода

Пане, ахвярую Табе – як святы Ігнацый – сваю памяць, розум,
усю сваю волю. Усё, чаго я прашу ў адказ, гэта Тваёй любові і Тваёй ласкі – і мне хопіць.

Усведамленне

Пане, Ты назваў мяне «святлом свету».
Дазволь мне заўсёды ведаць, каму Ты хочаш, каб я служыў:
галодным і бяздомным,
хворым і абяздоленым,
чужынцам і бежанцам.

Божае слова

¹⁶Яны пайшлі, спяшаючыся, і знайшлі Марыю і Юзафа, і Немаўля, якое ляжала ў яслях. ¹⁷А калі ўбачылі, расказалі тое, што было абвешчана ім пра гэтае Дзіця. ¹⁸Усе, хто чуў, дзівіліся таму, што расказвалі ім пастухі. ¹⁹А Марыя захоўвала ўсе гэтыя словы, разважаючы ў сэрцы сваім. ²⁰І вярнуліся пастухі, праслаўляючы і хвалячы Бога за ўсё, што пачулі і ўбачылі, як было сказана ім.

²¹Кaлі мiнулa вoсем дзён, кaб aбрэзaць Дзiця, дaлі Яму iмя Езус, якoе былo нaзвaнa aнёлaм перад Яго зaчaццем ва ўлонні.

Разважанне да Божага слова

У Новым Запавеце вельмі мала слоў Марыі. Яна шмат зрабіла сваёй маўклівай прысутнасцю каля Сына ў ключавыя моманты жыцця: Яго нараджэнне, цуд на вяселлі ў Кане, Мука і смерць на крыжы. Яна з’яўляецца для нас узорам ціхай кантэмпляцыі, калі з вялікай верай і пабожнасцю разважае над таямніцай, якая рагортвалася перад Ёю ў жыцці Сына.

Імя Езус больш блізкае да грэцкага перакладу распаўсюджанага біблійнага габрэйскага імя Ешуа (Yeshua/Joshua), якое азначае "Бог збаўляе". Святы Пётр, размаўляючы са старэйшынамі народа пасля Хрыстовага ўваскрасення, сказаў: «Няма іншага імя пад небам, дадзенага людзям, у якім мы можам атрымаць збаўленне». Злучым нашу малітву з малітвай Езуса да Айца ў Духу.

Размова

О, Пане, будзь заўсёды побач.
Ствары ўва мне даверлівае сэрца.
Дзякую Табе за любоў.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн