Прысутнасць

Няхай сэрца маё радуецца Тваёй любоўю, Пане.
Дазволь мне пражываць кожны дзень як новы.

Свабода

Пане, Ты стварыў мяне жыць у свабодзе.
У асноўным я ўспрымаю гэты дар як належнае.
Натхні мяне жыць у свабодзе, якую Ты задумаў для мяне,
са спакойным сэрцам і поўным даверам да Цябе.

Усведамленне

Калі вяртаюся да паўсядзённых спраў,
нагадай мне, Пане,
што Ты заўсёды побач.
І мне ніколі не трэба адчайвацца.

Божае слова

³⁵На другі дзень зноў стаяў Ян і двое з вучняў ягоных ³⁶і, убачыўшы Езуса, які ішоў, сказаў: «Вось Баранак Божы». ³⁷Пачулі двое вучняў яго, што ён казаў, і пайшлі за Езусам. ³⁸А Езус, абярнуўшыся і ўбачыўшы, што яны ідуць за Ім, кажа: «Чаго шукаеце?» Яны сказалі Яму: «Раббі (што азначае “настаўнік”), дзе жывеш?» ³⁹Ён сказаў ім: «Ідзіце і ўбачыце». Яны пайшлі і ўбачылі, дзе Ён жыве, і засталіся ў Яго ў той дзень. Было каля дзесятай гадзіны. ⁴⁰Адным з двух, якія пачулі ад Яна пра Езуса і пайшлі за Ім, быў Андрэй, брат Сымона Пятра. ⁴¹Знайшоўшы спачатку брата свайго Сымона, сказаў яму: «Мы знайшлі Месію (гэта значыць Хрыста)». ⁴²І прывёў яго да Езуса. Езус, глянуўшы на яго, сказаў: «Ты Сымон, сын Яна; ты будзеш названы Кефас», што азначае «Пётр», «скала».

Разважанне да Божага слова

Гэтыя вучні Яна прынялі блізка да сэрца ягоную пропаведзь пра Таго, Хто мае прыйсці. Цяпер, калі ён указаў ім на Езуса, яны не прамінулі сустрэцца з Ім. Адгукнуўшыся на запрашэнне «Ідзіце і ўбачыце», яны ступілі на цалкам іншы шлях, шлях наследавання Хрыста. У сённяшняй малітве кожны з нас таксама чуе «Ідзі і ўбачыш».

Адно з першых пытанняў, якое Езус задае сваім вучням: «Чаго шукаеце?» У "Духоўных практыкаваннях" святы Ігнацый падкрэслівае важнасць прагнення знайсці Бога. «Будзеце шукаць Мяне і знойдзеце, калі будзеце шукаць усім сэрцам».

Размова

Твае ўласныя словы, Пане, навучылі мяне маліцца.
цудоўная малітва “Ойча наш”
змяшчае ўсё, што я хацеў бы сказаць.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн