Прысутнасць

Хай радуецца і весяліцца сэрца маё
у гэты час малітвы.
Нагадвай мне часцей пра вялікія
благаслаўленні, якія Ты даеш мне, Божа мой.

Свабода

“Я свабодны чалавек”.
Калі гляджу цяпер на гэтыя словы,
яны нібы выклікаюць ува мне пачуццё трымцення.
Так, пачуццё свабоды цудоўнае.
Дзякую Табе, Божа.

Усведамленне

Езу, дзякую Табе за гэты момант, калі я адчуваю Тваю прысутнасць. Дапамажы мне ўзрастаць ва ўважнасці на Тваю прысутнасць у штодзённым жыцці і ў іншых людзях.

Божае слова

¹³Езус зноў выйшаў да мора. Усе людзі прыходзілі да Яго, а Ён навучаў іх. ¹⁴Праходзячы, Ён убачыў Левія, сына Алфея, які сядзеў на мытні, і сказаў яму: «Ідзі за Мною». Той устаў і пайшоў за Ім.

¹⁵Калі Езус быў за сталом у доме ягоным, шмат мытнікаў і грэшнікаў было разам з Ім і вучнямі Ягонымі, бо шмат было тых, хто ішоў за Ім. ¹⁶Кніжнікі з ліку фарысеяў, убачыўшы, што Ён есць з грэшнікамі і мытнікамі, казалі вучням Ягоным: «Чаму Ён есць з мытнікамі і грэшнікамі?» ¹⁷Пачуўшы гэта, Езус сказаў ім: «Не здаровым патрэбны лекар, а хворым; Я прыйшоў заклікаць не праведнікаў, а грэшнікаў».

Разважанне да Божага слова

Магчыма, Левій частаваў сяброў на развітанне, перш чым ён выйшаў у шлях за Езусам. Выходзячы за Ім, мы павінны многае пакінуць. За якія рэчы мы ўсё яшчэ чапляемся, што перашкаджае цалкам прысвяціць сябе наследаванню Езуса?

Фарысеі не хацелі мець нічога агульнага з тымі, каго лічылі грэшнікамі. Езус, наадварот, заўсёды шукаў атачэння грэшнікаў і нястомна працаваў над тым, каб вярнуць іх да Бога. Усе мы застаемся грэшнікамі і маем патрэбу ў Божым міласэрным прабачэнні і аздараўленні. Памолімся, каб Пан паказаў нам гэта больш поўна.

Размова

О, Пане, будзь заўсёды побач.
Ствары ўва мне даверлівае сэрца.
Дзякую Табе за любоў.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн