Прысутнасць

Бог чакае мяне, Ён тут,
удыхаючы жыццё ў мяне і ва ўсё, што навокал мяне.
Застаюся ў цішыні адну-дзве хвіліны
і ўсведамляю Божую любячую прысутнасць.

Свабода

Малюся аб ласцы, каб паверыць
у тое, кім я магу стаць і што рабіць,
калі толькі дазволю Богу, майму Стварыцелю, які так мяне любіць,
працягваць ствараць, накіроўваць і фармаваць мяне.

Усведамленне

Ведаючы, што Бог любіць мяне безумоўна,
Шчыра праглядаю мінулы дзень, падзеі, пачуцці.
За што я маю быць удзячным? Дзякую Пану.
За якія думкі, словы і ўчынкі я адчуваю жаль? Прашу прабачэння за гэта.

Божае слова

²²А кніжнікі, якія прыйшлі з Ерузалема, казалі, што Ён мае ў сабе Бэльзэбула і князем злых духаў Ён выганяе злых духаў. ²³А Езус, паклікаўшы іх, казаў ім у прыпавесцях: «Як можа сатана выганяць сатану? ²⁴Калі валадарства падзеліцца знутры, не можа выстаяць такое валадарства. ²⁵І калі дом падзеліцца знутры, не можа выстаяць такі дом. ²⁶І калі сатана паўстаў супраць сябе і падзяліўся, не можа выстаяць, але канец яму. ²⁷Ніхто не можа ўвайсці ў дом асілка і выкрасці ягоныя рэчы, калі спачатку не звяжа асілка. Тады толькі абрабуе дом ягоны.

²⁸Сапраўды кажу вам, што сынам чалавечым будуць адпушчаны ўсе грахі і блюзнерствы, якімі б ні блюзнерылі. ²⁹Але той, хто будзе блюзнерыць супраць Духа Святога, ніколі не атрымае адпушчэння, а будзе асуджаны навекі». ³⁰Так сказаў, бо гаварылі: «Ён мае нячыстага духа».

Разважанне да Божага слова

У нас заўсёды ёсць выбар: рабіць дабро ці крыўдзіць. Езус кажа, што дабро і зло выходзіць з чалавечага сэрца. Папросім жа Бога ўчыніць нашыя сэрцы добрымі.

З сённяшняга Евангелля можна зрабіць выснову, што Езус меў неадназначны поспех у сваіх намаганнях па распаўсюджванню Валадарства Айца. Хоць вялікія натоўпы людзей імкнуліся слухаць Яго, некаторыя, як кніжнікі з Ерузалема, зачынілі свае сэрцы на словы Езуса і засмуцілі Яго. Ці адказваю я на Хрыстовае пасланне шчодра і велікадушна і ці спрабую рэалізаваць яго на практыцы?

Размова

Пане, дапамагай мне кожны дзень
шукаць Тваёй прысутнасці ўсё больш і больш.
Напоўні сэрца любоўю да Цябе.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн