Прысутнасць

Пане Езу, прыходжу да Цябе сёння з тугою па Тваёй прысутнасці. Я прагну любіць Цябе, як Ты любіш мяне. Няхай ніколі і нішто не разлучыць мяне з Табою.

Свабода

Вядзі мяне заўсёды выконваць Тваю святую волю,
ведаючы, што Твая магутнасць
дапаможа ва ўсім.

Усведамленне

Усведамляючы Тваю прысутнасць, Пане,
праглядаю сваё нядаўняе мінулае.
Прагну быць шчырым з самім сабой адносна ўсяго, што адбылося,
і сваіх думак, слоў і ўчынкаў,
бо я ведаю, што Ты любіш праўду ў сэрцы
і прымаеш мяне такім, які я ёсць.

Божае слова

³¹Тады прыйшлі Маці Яго і браты Ягоныя і, стоячы звонку, паслалі паклікаць Яго. ³²Натоўп, які сядзеў каля Яго, казаў Яму: «Вось Маці Твая, і браты Твае, і сёстры Твае на вуліцы шукаюць Цябе». ³³Але Ён сказаў ім у адказ: «Хто маці Мая і браты Мае?» ³⁴І, паглядзеўшы на тых, хто сядзеў вакол Яго, сказаў: «Вось маці Мая і браты Мае. ³⁵Бо хто будзе выконваць волю Божую, той Мне брат, і сястра, і маці».

Разважанне да Божага слова

Праз тое, што Езус стаўся адным з нас, і праз жыццё, смерць і ўваскрасенне Ён стаў нашым братам і прыняў у сваю новую сям’ю ўсіх, хто хоча ісці за Ім. Маючы ў сабе таго самага Духа, мы яднаемся разам і становімся братамі і сёстрамі. Сёння далучымся да Езуса ў малітве аб адзінстве ўсіх хрысціян.

Размова

Добры Езу, я магу адкрыць Табе сэрца.
Магу сказаць Табе ўсё, што мяне турбуе.
Я ведаю, што Цябе хвалююць усе мае клопаты.
Навучы мяне жыць, не забываючыся,
што Ты ахінаеш мяне апекай сёння
і будзеш клапаціцца заўтра і ва ўсе дні жыцця майго.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн