Прысутнасць

Няхай сэрца маё радуецца Тваёй любоўю, Пане.
Дазволь мне пражываць кожны дзень як новы.

Свабода

Бог не чужы маёй свабодзе.
Наадварот, Дух удыхае жыццё ў самыя ўтоеныя жаданні,
далікатна падштурхоўвае мяне да ўсялякага дабра.
Прашу аб ласцы, каб дазволіць Духу агарнуць мяне.

Усведамленне

Усведамляючы Тваю прысутнасць, Пане,
праглядаю сваё нядаўняе мінулае.
Дазволь мне быць шчырым з самім сабой і з Табой
наконт думак, слоў, учынкаў,
бо я ведаю, што Ты любіш праўду ў сэрцы
і прымаеш мяне такім, які я ёсць.

Божае слова

³⁸38 Ян сказаў Яму: «Настаўнік, мы бачылі чалавека, які ў імя Тваё выганяў злых духаў, і забаранялі яму, бо не хадзіў з намі». ³⁹39 А Езус сказаў: «Не забараняйце яму, бо ніхто, хто ўчыніў цуд у Маё імя, не зможа адразу зласловіць на Мяне. ⁴⁰Бо хто не супраць нас, той за нас.

Разважанне да Божага слова

Калі хтосьці рабіў цуды ў імя Езуса, то ён, безумоўна, быў на баку Езуса. Не трэба ніколі зайздросціць дарам, якія Бог даў іншым, але распазнаць свае ўласныя дары, дзякуючы якім мы можам служыць іншым. І калі людзі адкрыта не выступаюць супраць нас, давайце не будзем сумнявацца, што яны на нашым баку.

Размова

Дар маўлення – цудоўны дар.
Навучы мяне выкарыстоўваць гэты дар з дабрынёй.
Няхай я буду марудны да выказвання рэзкіх,
крыўдных, гнеўных і жорсткіх слоў.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн