Прысутнасць

Прыгадаю сабе, што ў гэты момант,
Бог глядзіць на мяне з любоўю і падтрымлівае жыццё.
Затрымаюся на некаторы час у Ягоным позірку.

Свабода

Мне трэба суцішыцца, падняцца над шумам,
які перашкаджае, раздзяляе,
ізалюе.
Мне вельмі неабходна зноў слухаць Бога ў цішыні і спакоі.

Усведамленне

Дапамажы мне, Пане, лепш усведамляць Тваю прысутнасць.
Навучы мяне распазнаваць Тваю прысутнасць у іншых.
А сэрца напоўні ўдзячнасцю за выпадкі, калі Ты дзейнічаў праз іншых людзей, выяўляючы нязмерную любоў і клопат.

Божае слова

³⁰Яны ж сказалі Яму: «Які ж Ты зробіш знак, каб мы ўбачылі і паверылі Табе? Што ўчыніш? ³¹31 Айцы нашыя елі манну ў пустыні, як напісана: “Хлеб з неба даў ім есці”». ³²32 Езус адказаў ім: «Сапраўды, сапраўды кажу вам: не Майсей даў вам хлеб з неба, але Айцец Мой дае вам сапраўдны хлеб з неба. ³³ Бо хлеб Божы — гэта той, хто сыходзіць з неба і дае жыццё свету». ³⁴Тады сказалі Яму: «Пане, давай нам заўсёды такі хлеб».

³⁵ Езус адказаў ім: «Я — хлеб жыцця; хто прыходзіць да Мяне, не будзе галодны, і хто верыць у Мяне, ніколі не будзе прагнуць.

Разважанне да Божага слова

Бог карміў народ у пустыні сорак гадоў маннай, але ўсе гэтыя людзі памерлі. Нягледзячы на ​​тое, што целы нашыя памруць, хлеб, які дае нам Езус, - гэта Ён сам, ён нас прывядзе да жыцця вечнага, бо корміць нашыя душы. Бог Айцец па-ранейшаму корміць свой народ, пакуль мы крочым шляхам пілігрымкі: Ён дае нам свайго Сына.

У сваіх "Духоўных практыкаваннях" святы Ігнацый раіць увесь час «з глыбокай любоўю разважаць над тым, як Пан Бог наш хоча даць Сябе нам».

Размова

О, Пане, будзь заўсёды побач.
Ствары ўва мне даверлівае сэрца.
Дзякую Табе за любоў.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн