Прысутнасць

Пане Езу, прыходжу да Цябе сёння з тугою па Тваёй прысутнасці. Я прагну любіць Цябе, як Ты любіш мяне. Няхай ніколі і нішто не разлучыць мяне з Табою.

Свабода

Мне трэба суцішыцца, падняцца над шумам,
які перашкаджае, раздзяляе,
ізалюе.
Мне вельмі неабходна зноў слухаць Бога ў цішыні і спакоі.

Усведамленне

Калі вяртаюся да паўсядзённых спраў,
нагадай мне, Пане,
што Ты заўсёды побач.
І мне ніколі не трэба адчайвацца.

Божае слова

⁵Цяпер Я адыходжу да таго, хто паслаў Мяне, і ніхто з вас не пытаецца ў Мяне: “Куды ідзеш?” ⁶Але таму, што Я сказаў вам гэта, смутак напоўніў сэрца вашае. ⁷Аднак Я кажу вам праўду: лепш для вас, каб Я адышоў. Бо калі Я не адыду, Суцяшыцель не прыйдзе да вас. А калі адыду, пашлю Яго да вас. ⁸8 Калі Ён прыйдзе, пераканае свет наконт граху, справядлівасці і суда. ⁹9 Наконт граху, бо не вераць у Мяне. ¹⁰10 Наконт справядлівасці, бо іду да Айца, і вы ўжо не ўбачыце Мяне. ¹¹11 Наконт суда, бо князь гэтага свету ўжо асуджаны.

Разважанне да Божага слова

Езус хутка вернецца да Таго, хто Яго паслаў. Ён ведае, што вучні будуць тужыць па Ім і сумаваць, але разам з Айцом Ён пашле ім Святога Духа, які падтрымае і суцешыць іх. Менавіта праз веру мы пазнаем Яго цяпер і можам праўдзіва сустрэцца з нашым уваскрослым Панам у малітве.

Размова

Разважаючы над сённяшнім Евангеллем, што, на маю думку, Бог хоча, каб я пачуў ці ведаў у гэты час? Якую праўду Ён хоча прамовіць асабіста для мяне?

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн