Прысутнасць

Я чую, як Пан ціха вымаўляе маё імя, запрашаючы ў малітву. Адпускаю ўсё, што перашкаджае засяродзіцца, і занурваюся ў благаславёную блізкасць Бога.

Свабода

З Божай ласкі я нарадзіўся/нарадзілася, каб жыць у свабодзе,
атрымліваць асалоду ад дабротаў, якія Ён стварыў для мяне.
О Пане, дай мне жыць паводле Тваёй задумы,
напоўніцу давяраючы Тваёй любові.

Усведамленне

Як цудоўна мець магчымасць
увайсці ў прысутнасць Тваю, Пане;
незалежна ад таго, які час,
незалежна ад таго, у якой я краіне,
Мне трэба толькі прамовіць Тваё імя.

Божае слова

³⁸Вы чулі, што сказана: “Вока за вока і зуб за зуб”. ³⁹А Я вам кажу: не адплачвайце злому. Калі хто ўдарыць цябе па правай шчацэ тваёй, падстаў яму і другую. ⁴⁰Калі хто захоча судзіцца з табою і ўзяць у цябе кашулю, аддай яму і плашч. ⁴¹І калі хто цябе змусіць ісці з ім адну мілю, ідзі з ім дзве. ⁴²Таму, хто просіць у цябе, давай і не адварочвайся ад таго, хто хоча пазычыць у цябе.

Разважанне да Божага слова

Чалавецтва павольна рухаецца наперад у разуменні шляхоў Бога. У старадаўнім разуменні, якое было ўласціва Божаму народу, лічылася нармальным, што Бог можа ўпасці ў гнеў і адпомсціць, як чалавек. Але сапраўдны Бог, які застаецца тым самым і нязменным, гэтага не рабіў. Езус ясна адкрывае нам Бога міласэрнасці і любові. І заклікае "быць міласэрнымі, як міласэрны Айцец ваш Нябесны" (Лк 6,36).

Размова

Пане, я ведаю, што калі я звяртаюся да Цябе, мне не патрэбныя словы.
Ты бачыш сэрца.
Ты ведаеш мае жаданні і патрэбы.
Аддаю сябе ў Твае рукі.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн