Прысутнасць

Бог ёсць Эммануэль, Бог-са-мной. Ягоная прысутнасць ахінае мяне прамяністай любоўю. Ён дакладна ведае, што мне патрэбна ў кожны момант. Я ўскладаю ўвесь свой давер на Яго.

Свабода

“Вельмі мала людзей
разумеюць, што з імі зрабіў бы Бог
калі б яны аддаліся ў яго рукі,
і дазволілі Ягонай ласцы фармаваць сябе” (Святы Ігнацый).
Прашу аб ласцы поўнага даверу Божай любові.

Усведамленне

Ойча, дзякую Табе за тое, што паслаў Твайго Сына на зямлю, каб Ён быў са мной у кожным досведзе. Дзякуй, што Ён асаблівым чынам са мной у гэты час малітвы – праз Тваё Слова.

Божае слова

¹⁹Не збірайце сабе скарбаў на зямлі, дзе моль і ржа знішчаюць і дзе злодзеі падкопваюцца і крадуць. ²⁰Збірайце сабе скарбы ў небе, дзе ні моль, ні ржа не знішчаюць і дзе злодзеі не падкопваюцца і не крадуць. ²¹Бо дзе скарб твой, там будзе і сэрца тваё. Светачам цела ёсць вока

²²Светачам цела ёсць вока. Калі ж вока тваё чыстае, то ўсё цела тваё будзе светлае. ²³Калі ж вока тваё дрэннае, то ўсё цела тваё будзе цёмнае. Калі ж святло, якое ў табе, з’яўляецца цемрай, то якая ж цемра!

Разважанне да Божага слова

Бо дзе скарб твой, там будзе і сэрца тваё. Варта спытаць сябе, скіраваны нашы сэрцы на памнажэнне зямных рэчаў ці нябесных. Так часта Евангелле заклікае глядзець далей і шукаць тое, што трывае вечна. У нашай чалавечай слабасці мы зацыкліваемся на бачным і шукаем бяспекі ў назапашванні багацця. Без Бога ў нас няма нічога і мы нічога не можам зрабіць. Просім: "Пане, каб я мог зноў бачыць!"

Размова

Пане, Ты выразаў маё імя
на Сваіх далонях.
Нават калі іншыя мяне забываюць,
Ты не забудзеш ніколі.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн