Прысутнасць

У пачатку сённяшняй малітвы звярну ўвагу на сваё дыханне, якое з’яўляецца для мяне Божым дарам, які падтрымлівае жыццё. Адну-дзве хвіліны дыхаю больш павольна, глыбока і спакойна.

Свабода

Калі Бог паспрабуе мне нешта сказаць, ці пачую я?
Калі Бог захоча суцешыць мяне ці даручыць нешта, ці заўважу я?
Прашу аб ласцы вызваліцца ад уласных клопатаў
і быць чуйным да таго, што Бог можа сказаць мне.

Усведамленне

Пане, адкрый маё сэрца на тое, каб пачуць і прыняць Тваё Слова. Няхай гэта прынясе вялікі плён у маім жыцці і ў жыцці іншых людзей.

Божае слова

¹Паклікаўшы дванаццаць вучняў сваіх, Ён даў ім уладу выганяць нячыстых духаў і лячыць усялякую хваробу і ўсялякую немач. ²2 Імёны ж дванаццаці Апосталаў такія: першы Сымон, называны Пятром, і Андрэй, брат яго, Якуб Зэбэдэеў і Ян, брат ягоны, ³3 Філіп і Барталамей, Тамаш і мытнік Мацвей, Якуб Алфееў і Тадэвуш, ⁴4 Сымон Кананэец і Юда Іскарыёт, які і выдаў Яго.

⁵Гэтых Дванаццаць паслаў Езус, наказваючы ім: «На шлях язычнікаў не ўзыходзьце і ў гарады самарыйскія не ўваходзьце. ⁶Але перадусім ідзіце да загубленых авечак з дому Ізраэля. ⁷Ідзіце і абвяшчайце, кажучы: “Наблізілася Валадарства Нябеснае”.^,

Разважанне да Божага слова

У прысутнасці Езуса, які прыйшоў да людзей, Валадарства Божае наблізілася да свету. Ён працягвае ісці з намі і запрашае быць Яго вачыма, Яго рукамі, Яго голасам і Яго нагамі, каб несці іншым Добрую Навіну пра Валадарства. Памолімся малітвай святой Тэрэзы Авільскай: «У Хрыста няма цела, акрамя твайго, няма рук, няма ног на зямлі, акрамя тваіх. Гэта твае вочы, якімі Ён спагадна глядзіць на гэты свет. Гэта тваімі нагамі Ён ходзіць, каб рабіць дабро. Гэта твае рукі, якімі Ён благаслаўляе ўвесь свет. Ты — Яго цела. У Хрыста цяпер няма цела, акрамя твайго, няма рук, няма ног на зямлі, акрамя тваіх. Амэн».

Размова

Езу, Ты заўсёды сардэчна вітаў маленькіх дзяцей, калі хадзіў па гэтай зямлі.
Навучы мяне мець дзіцячы давер да Цябе,
памятаючы, што Ты ніколі не пакінеш мяне.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн