Прысутнасць

Езу, сёння я звяртаюся да Цябе інакш, чым звычайна. Часцей я прыходжу з просьбамі. Сёння хачу проста пабыць у Тваёй прысутнасці. Няхай маё сэрца адгукнецца на Тваю Любоў.

Свабода

Пане, дапамажы мне адпусціць неспакой, крыўды і страхі,
якія часам так неадчэпна ходзяць за мной.
Дазволь мне адкрыць рукі і сэрца, каб свабодна прыняць
усе дары, неабходныя мне ў гэты час.

Усведамленне

Пане, мой Божа, у Тваёй любячай прысутнасці я разгортваю свой дзень, нібы скрутак,
пачынаючы з гэтага часу і азіраючыся назад, момант за момантам.
У кожным з іх я вылучаю дабро і святло, ва ўдзячнасці.
Затым звяртаю ўвагу на цені і на тое, што яны мне кажуць,
шукаючы ў Цябе аздараўлення, разумення і прабачэння.

Божае слова

²⁷28 Тады Пётр спытаў Яго: «Вось, мы пакінулі ўсё і пайшлі за Табою. Дык што мы атрымаем?» ²⁸28 А Езус сказаў ім: «Сапраўды кажу вам, што ў новым жыцці, калі Сын Чалавечы сядзе на троне славы сваёй, таксама вы, якія пайшлі за Мною, сядзеце на дванаццаці тронах, каб судзіць дванаццаць плямёнаў Ізраэля. ²⁹І кожны, хто пакінуў дом, ці братоў, ці сясцёр, ці айцоў, ці маці, ці дзяцей, ці землі дзеля Майго імя, здабудзе ў сто разоў больш і атрымае ў спадчыну жыццё вечнае.

Разважанне да Божага слова

«Што мне з гэтага будзе?» Пытанне здаецца разумным, але мы часта бярэм меру ў кароткатэрміновай перспектыве. Езус мае больш дальнабачны ракурс і заклікае нас даверыць Яму жыццё цалкам, а не толькі ў агляднай будучыні.

Яго абяцанне аказала глыбокі ўплыў на гісторыю свету, паколькі сотні тысяч велікадушных людзей дзеля Езуса пакінулі ўсё, што было дарагім для іх, каб прысвяціць сябе служэнню іншым.

Размова

Часам я задаюся пытаннем, што б я сказаў, калі б сустрэўся з Табой асабіста, Пане.
Магчыма, так: “Дзякую, Божа, што Ты заўсёды са мной”.
Я дакладна ведаю, што былі часы, калі Ты нёс мяне, Пане,
калі дзякуючы Тваёй сіле я перажыў цёмныя перыяды жыцця.

Заканчэнне

Я дзякую Богу за магчымасць правесці сам-насам з Ім некалькі хвілін,
і цяпер іду далей з радасцю і надзеяй
служыць Яго народу.

Амэн