Прысутнасць

Душа мая прагне Тваёй прысутнасці, Пане. Калі я скіроўваю свае думкі да Цябе, я знаходжу спакой і суцяшэнне.

Свабода

«У тыя дні Бог вучыў мяне,
як школьны настаўнік вучня» (св. Ігнацый).
Я нагадваю сабе, што ёсць рэчы, якім Бог яшчэ не навучыў мяне,
і прашу адарыць ласкай, каб пачуць іх і дазволіць змяніць мяне.

Усведамленне

Узгадваю кожнага, хто прасіў мяне аб малітве, і даручаю Табе, Пане, разам са сваімі патрэбамі і цяжарамі.

Божае слова

¹⁹Многія з юдэяў прыйшлі да Марты і Марыі, каб суцешыць іх у смутку па браце. ²⁰Калі Марта пачула, што ідзе Езус, яна выйшла Яму насустрач, а Марыя сядзела дома. ²¹Тады Марта сказала Езусу: «Пане, калі б Ты быў тут, не памёр бы брат мой! ²²Але і цяпер ведаю, што аб чым бы Ты ні папрасіў Бога, Бог дасць Табе». ²³Езус сказаў ёй: «Уваскрэсне брат твой». ²⁴Марта сказала Яму: «Я ведаю, што ўваскрэсне падчас уваскрашэння ў апошні дзень». ²⁵Езус сказаў ёй: «Я — уваскрасенне і жыццё. Хто верыць у Мяне, калі нават і памрэ, будзе жыць. ²⁶А кожны, хто верыць у Мяне, не памрэ ніколі. Ці верыш у гэта?» ²⁷Яна адказала Яму: «Так, Пане. Я веру, што Ты — Хрыстус, Сын Божы, які павінен быў прыйсці ў свет».

Разважанне да Божага слова

Марта не была тэолагам. Ёй было дастаткова ведаць і верыць, што Езус — Месія і што Ён прыйшоў ад Бога. Нашая вера ва ўваскрасенне Езуса — гэта грунт духоўнага жыцця.

Штодзённа, у малітве і ў практыцы хрысціянскага жыцця, мы жывём гэтай верай. Памолімся аб ласцы цярплівасці і вернасці нашаму хрысціянскаму пакліканню.

Размова

Езу, Ты заўсёды сардэчна вітаў маленькіх дзяцей, калі хадзіў па гэтай зямлі.
Навучы мяне мець дзіцячы давер да Цябе,
памятаючы, што Ты ніколі не пакінеш мяне.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн