Прысутнасць

Езус чакае, ціха і нябачна, магчымасці ўвайсці ў маё сэрца.
Я адгукнуся на Яго прысутнасць.
Ён прыходзіць са сваёй бясконцай моцай і любоўю.
Напаўняе мяне радасцю і спакоем.

Свабода

Пане, я малюся аб Тваім дары свабоды.
Няхай Твой Святы Дух
вядзе тых, хто ва ўладзе, працаваць дзеля
сапраўднай справядлівасці для ўсяго Божага народу.

Усведамленне

У гэты момант, Пане, я скіроўваю думкі да Цябе.
Я пакіну ў баку свае справы і клопаты.
Адпачну і аднаўлю сілы ў Тваёй прысутнасці.

Божае слова

²⁵Жаўнеры так і зрабілі.

Стаялі ж каля крыжа Езуса Маці Ягоная і сястра Маці Ягонай, Марыя Клеопава, і Марыя Магдалена.

²⁶Езус, убачыўшы Маці і вучня, які стаяў побач і якога Ён любіў, сказаў Маці: «Жанчына, вось сын Твой». ²⁷Потым сказаў вучню: «Вось Маці твая». І з гэтага часу вучань узяў Яе да сябе.

Разважанне да Божага слова

Нават на крыжы Езус памятае пра іншых. Ён аддаў Сябе нам - і гэта неймаверна вялікі дар, а другім вялікім дарам, безумоўна, з'яўляецца Ягоная Маці. Марыя споўніла перадсмяротнае Сына і прыняла сваю новую ролю. Калі апосталы сабраліся ў Вячэрніку пасля Унебаўшэсця, Яна далучылася да іх у малітве. Гэта малады Касцёл, а Марыя — Маці Касцёла. Няхай жа ў нашых сэрцах будзе больш пабожнасці да нашай Нябеснай Маці.

Марыя — сапраўдны прыклад ідэальнай вучаніцы. З незвычайнай мужнасцю і любоўю Яна стаіць ля падножжа крыжа, калі Сын аддае за нас сваё жыццё. У небе Яна працягвае заступацца за нас перад сваім Сынам.

Размова

“Ён паглядзеў на яго з любоўю”. (Мк 10:21). Паспрабую пасядзець пад поўным любові позіркам Езуса, які любіць мяне ва ўсе часы і месцы, ва ўсіх абставінах. Бог заўсёды глядзіць на мяне з безумоўнай любоўю.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн