Прысутнасць

Пане, дапамажы мне шырока адчыніць Табе дзверы сэрца
на гэты час, калі я адкладаю ўбок турботы і справы.
Напоўні плынь маіх думак спакоем і любоўю.

Свабода

Пане, я малюся аб Тваім дары свабоды.
Няхай Святы Дух
натхняе людзей ва ўладзе працаваць на карысць
сапраўднай справядлівасці для ўсяго Божага народу.

Усведамленне

Мы ўсе пілігрымы ў дарозе да Цябе, Пане.
Дай нам сузіраць Цябе на зямлі
і з Тваёй дапамогай ісці па Тваіх слядах.

Божае слова

³⁸Калі былі ў дарозе, Ён зайшоў у адно паселішча. Нейкая жанчына, якую звалі Марта, прыняла Яго. ³⁹У яе была сястра імем Марыя, якая села каля ног Пана і слухала Ягоныя словы. ⁴⁰Марта ж, занятая многімі паслугамі, падышоўшы, сказала: «Пане, ці Табе ўсё адно, што сястра мая пакінула мяне адну прыслугоўваць? Таму скажы ёй, каб дапамагла мне». ⁴¹Але Пан сказаў ёй у адказ: «Марта, Марта, ты турбуешся і клапоцішся пра многае, ⁴²а патрэбна толькі адно. Марыя ж выбрала добрую частку, якая не адымецца ў яе».

Разважанне да Божага слова

Мы маем дар свабоднай волі, бо без яе не змаглі б любіць. Нават у канцлагерах гэта адзінае, што нельга было адабраць. Але наш выбар мае наступствы, з якімі мы павінны жыць. Марыя ў Бэтаніі дае нам прыклад кантэмплятыўнага слухання каля ног Пана.

Размова

Пане, Ты выразаў маё імя
на Сваіх далонях.
Нават калі іншыя мяне забываюць,
Ты не забудзеш ніколі.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн