Прысутнасць

Душа мая прагне Тваёй прысутнасці, Пане. Калі я скіроўваю свае думкі да Цябе, я знаходжу спакой і суцяшэнне.

Свабода

Часцей за ўсё мне перашкаджае дасягнуць свабоды мая схільнасць
патанаць у страхах і чаканнях
аб тым, якой асобай я “маю быць”.
Мае звыклыя спосабы рэагавання звязваюць мяне
і перашкаджаюць бачыць новыя абшары ўзрастання.
Я прашу і малюся аб большым адчуванні ўнутранай свабоды і
таго, што Бог жадае здзейсніць ва мне.

Усведамленне

Божа, дай мне адпачыць у Тваёй прамяністай прысутнасці, як кветка грэецца ў святле і цяпле сонца. Дзякуй, што прыносіш святло і цеплыню ў маё жыццё праз іншых людзей, праз прыроду, праз сваё Слова.

Божае слова

¹⁷Калі сышоў з імі ўніз і стаў на раўніне, вялікі натоўп вучняў Ягоных і вялікае мноства людзей з Юдэі і Ерузалема, з узбярэжжа Тыра і Сідона ¹⁸прыйшлі паслухаць Яго і аздаравіцца ад сваіх хваробаў. І тыя, хто цярпеў ад нячыстых духаў, вылечваліся. ¹⁹Усе людзі імкнуліся дакрануцца да Яго, таму што сіла сыходзіла ад Яго і вылечвала ўсіх.

²⁰А Ён, узняўшы вочы свае на вучняў сваіх, сказаў:

«Шчаслівыя ўбогія, бо ваша ёсць Валадарства Божае.

²¹Шчаслівыя, якія цяпер галадаеце, бо насычаны будзеце. Шчаслівыя, якія цяпер плачаце, бо смяяцца будзеце.

²²Шчаслівыя вы, калі ўзненавідзяць вас людзі і калі адрынуць вас, будуць зневажаць і адкінуць імя вашае як зло з-за Сына Чалавечага. ²³Радуйцеся ў той дзень і весяліцеся, бо вялікая ўзнагарода вашая ў небе. Бо так паступалі з прарокамі айцы іхнія.

Разважанне да Божага слова

Звярніце ўвагу на цяперашні час, які выкарыстоўваецца ў першай з гэтых запаведзяў благаслаўленняў: бедныя шчаслівыя тут і цяпер — не таму, што яны бедныя, а таму, што ім належыць Валадарства Божае. Добрыя адносіны маюць у сабе беднасць і ўбогасць, таму што іншы чалавек не з'яўляецца нашай уласнасцю, але дарам ад Бога.

Размова

Пане, Ты выразаў маё імя
на Сваіх далонях.
Нават калі іншыя мяне забываюць,
Ты не забудзеш ніколі.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн