Прысутнасць

“Ты, калі молішся, увайдзі ў пакой свой і, зачыніўшы дзверы, маліся да Айца твайго, які ў таемнасці”. (Мц 6:6) Божа, Ты — мой унутраны пакой, Ты заўсёды ўва мне, а я ў Табе. Няхай штодня я прысвячаю час, каб увайсці ў пакой майго сэрца і быць з Табой.

Свабода

Вядзі мяне заўсёды выконваць Тваю святую волю,
ведаючы, што Твая магутнасць
дапаможа ва ўсім.

Усведамленне

Як вядома, на ўсё ёсць свой час і месца.
Пане, дай мне заўсёды жадаць
вяртацца ў Тваю прысутнасць,
слухаць Тваё слова.

Божае слова

⁹І Я кажу вам: здабывайце сяброў сабе несправядлівай мамонай, каб, калі яна праміне, прынялі вас у вечныя шатры.

¹⁰Верны ў малым і ў вялікім верны, а несправядлівы ў малым несправядлівы і ў вялікім. ¹¹Таму, калі вы ў несправядлівай мамоне не былі верныя, хто даручыць вам сапраўднае? ¹²І калі ў чужым не былі верныя, хто дасць вам вашае? ¹³Ніякі слуга не можа служыць двум гаспадарам, бо ці аднаго будзе ненавідзець, а другога любіць, ці аднаго будзе трымацца, а другім пагарджаць. Не можаце служыць Богу і мамоне».^,

¹⁴Чулі ўсё гэта і фарысеі, якія любілі грошы, і насміхаліся з Яго. ¹⁵І сказаў ім: «Вы паказваеце сябе праведнымі перад людзьмі, але Бог ведае сэрцы вашыя. Бо што вялікае ў людзей, тое брыдкае перад Богам.

Разважанне да Божага слова

Словы Езуса прыгадваюць нам, што матэрыяльныя даброты, якія трапляюць у нашыя рукі (незалежна ад таго, як яны былі набыты), не належаць нам цалкам. Усё на гэтай зямлі належыць усім. Мы толькі распарадчыкі таго, што маем, і нас будуць судзіць па тым, як мы гэтым карыстаемся і ад гэтага ў значнай ступені будзе залежаць атрыманне таго адзінага, што сапраўды стане нашым — бясконцага шчасця, якім Бог жадае адарыць нас, каб мы былі разам з Ім. Варта сёння памаліцца аб свабодным сэрцы, у якім ніякая зямная прывязанасць не перашкаджае Богу дзейнічаць.

Размова

Якія ласкі хоча ўдзяліць мне Бог ў гэтай малітве? Услухаюся, у цішыні сэрца, што Пан кажа мне…

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн