Прысутнасць

Чым больш мы звяртаемся да Бога, тым больш адчуваем Божую прысутнасць. Дзень па дню мы набліжаемся да любячага сэрца Бога.

Свабода

Пане, ахвярую Табе – як святы Ігнацый – сваю памяць, розум,
усю сваю волю. Усё, чаго я прашу ў адказ, гэта Тваёй любові і Тваёй ласкі – і мне хопіць.

Усведамленне

Як вядома, на ўсё ёсць свой час і месца.
Пане, дай мне заўсёды жадаць
вяртацца ў Тваю прысутнасць,
слухаць Тваё слова.

Божае слова

²⁶І сказаў: «Так і Валадарства Божае нібы чалавек, што кідае зерне ў зямлю. ²⁷Ён спіць і ўстае ноччу і днём, а як зерне ўзыходзіць і расце, не ведае. ²⁸Бо зямля сама па сабе прыносіць плён: спачатку рунь, потым колас, потым поўнае зерне ў коласе. ²⁹Калі ж саспее плод, адразу пасылае серп, таму што настала жніво».

³⁰І сказаў: «З чым параўнаем Валадарства Божае? Ці ў якой прыпавесці выявім яго? ³¹ Яно як гарчычнае зерне: калі яго сеюць у зямлю, яно найменшае з усяго насення на зямлі. ³²Калі ж пасеяна, узыходзіць і становіцца большым за ўсялякую зеляніну, пускае вялікае галлё, так што ў ценю ягоным могуць гняздзіцца нябесныя птушкі».

³³У многіх такіх прыпавесцях прапаведаваў ім слова, колькі яны маглі слухаць. ³⁴І без прыпавесці не казаў ім, а сваім вучням сам-насам тлумачыў усё.

Разважанне да Божага слова

Абедзве гэтыя прыпавесці падымаюць на духу супольнасці Касцёла, якія змагаюцца за існаванне ў непрыязным асяроддзі. Вельмі здзівіліся б раннія хрысціяне, калі б ведалі, як вырас і распаўсюдзіўся Касцёл па свеце. Сёння нам патрэбная іх вера і ўпэўненасць у сіле Валадарства, каб трываць далей і пашырацца. Марк адзначае, што Езус часта казаў у прыпавесцях, але поўны сэнс вучэння тлумачыў толькі блізкаму колу вучняў. Тыя, хто "звонку", не былі гатовыя прыняць пасланне. Наколькі адчувальны мой слых?

Размова

Езус часта задаваў пытанні тым, хто прыходзіў да Яго.
Адчуваючы Яго цяпер побач,
уяўлю, што Ён пытаецца ў адказ на маю малітву:
“Чаго ты жадаеш?”
“Як табе дапамагчы?”
“Што Я магу табе даць?”

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн