Прысутнасць

“Ведайце, што Пан ёсць Богам”. (Пс 100:3).
Пане, няхай Твой Дух вядзе мяне шукаць
Тваёй любячай прысутнасці ўсё больш і больш,
бо менавіта ў ёй я знаходжу адпачынак і сілы сярод штодзённай мітусні.

Свабода

Любыя рэчы, падзеі, з’явы могуць спрычыніцца да ўзрастання ўва мне любові і жыцця,
аднак мае жаданні часта засяроджваюцца на ілюзіях самарэалізацыі.
Я прашу, каб Ты, Божа, праз маю свабоду ўладкаваў мае жаданні так,
каб выявілася хараство мелодыі, багатай на любоў і гармонію, у згодзе з воляй Тваёй.

Усведамленне

Калі я размаўляю з Табою, Божа,
дапамажы мне ўзрастаць ва ўдзячнасці за дар камунікацыі.
Учыні так, каб я гаварыў за тых, хто не мае голасу
і заўсёды меў добрае слова для людзей у патрэбе.

Божае слова

¹⁴Вучні Янавы прыйшлі да Яго і сказалі: «Чаму мы і фарысеі посцім шмат, а Твае вучні не посцяць?» ¹⁵А Езус сказаў ім: «Ці могуць быць у жалобе госці на вяселлі, пакуль з імі жаніх? Але прыйдуць дні, калі будзе забраны ад іх жаніх, і тады будуць пасціць.

Разважанне да Божага слова

Сённяшняе чытанне нагадвае нам, што наш пост не з’яўляецца самамэтай, а мае весці нас да большага аддання Богу. Менавіта аскеза дапамагае нам засяродзіцца на Ім, не губляць увагі і дапамагаць найбольш патрабуючым братам і сёстрам.

Размова

Пане, Ты выразаў маё імя
на Сваіх далонях.
Нават калі іншыя мяне забываюць,
Ты не забудзеш ніколі.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн