Прысутнасць

Перад тым, як пачаць малітву, паслухаю біццё сэрца,
рытм дыхання, плынь думак –
прыкметы няспыннага стваральнага дзеяння Бога ўва мне.
Затрымаюся на момант і адчую
гэтую Божую прысутнасць.

Свабода

Вядзі мяне заўсёды выконваць Тваю святую волю,
ведаючы, што Твая магутнасць
дапаможа ва ўсім.

Усведамленне

Узгадваю кожнага, хто прасіў мяне аб малітве, і даручаю Табе, Пане, разам са сваімі патрэбамі і цяжарамі.

Божае слова

²⁴І сказаў: «Сапраўды кажу вам: ніводнага прарока не прымаюць на бацькаўшчыне яго. ²⁵25 Сапраўды кажу вам: шмат удоў было ў Ізраэлі ў дні Іллі, калі неба было зачынена тры гады і шэсць месяцаў, так што быў вялікі голад па ўсёй зямлі. ²⁶26 І да ніводнай з іх не быў пасланы Ілля, а толькі да аўдавелай жанчыны ў Сарэпце Сідонскай. ²⁷Шмат таксама было пракажоных у Ізраэлі ў часы прарока Елісея, і ніводзін з іх не быў ачышчаны, апрача сірыйца Наамана». ²⁸Пачуўшы гэта, усе ў сінагозе напоўніліся гневам ²⁹ і, устаўшы, выгналі Яго прэч з горада, і павялі на край гары, на якой быў пабудаваны іх горад, каб скінуць Яго. ³⁰Але Ён, прайшоўшы паміж імі, адышоў.

Разважанне да Божага слова

Абвяшчэнне Евангелля ўключае ў сябе і выкрыванне граху. Нялёгка слухаць пра свае грахі ці недахопы. Як ты рэагуеш на словы, якія нясуць праўду, але гучаць непрыемна? Ці ёсць у іх штосьці выратавальнае для душы? Жыхары Назарэта спрабавалі забіць Езуса, бо Ён параўнаў іх з людзьмі, закрытымі на Божы голас. Магчыма, яны былі ўпэўнены, што пачуюць пахвальныя словы ў свой адрас. Аднак Пан вучыць нас, што ў Айца няма фаварытаў. Няхай Пан дапаможа нам слухаць Яго, каб пачуць.

Размова

Пане, дапамагай мне кожны дзень
шукаць Тваёй прысутнасці ўсё больш і больш.
Напоўні сэрца любоўю да Цябе.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн