Прысутнасць

“Стаю каля дзвярэй і стукаю”, – кажа Пан. (Ап 3:20). Які цудоўны прывілей: Пан усяго стварэння жадае прыйсці да мяне. Шырока адчыняю дзверы, каб прывітаць Яго.

Свабода

Стараюся адпусціць хваляванні і турботы,
якія зараз абцяжарваюць мяне.
Аддаю ўсе свае клопаты ў Божыя рукі
– хаця б на гэтыя некалькі хвілін малітвы.

Усведамленне

Як цудоўна мець магчымасць
увайсці ў прысутнасць Тваю, Пане;
незалежна ад таго, які час,
незалежна ад таго, у якой я краіне,
Мне трэба толькі прамовіць Тваё імя.

Божае слова

¹⁷Не думайце, што Я прыйшоў адмяніць Закон ці Прарокаў. Не адмяніць прыйшоў Я, а выканаць. ¹⁸Бо сапраўды кажу вам: пакуль не міне неба і зямля, ніводная ёта, ніводная рыска не зменіцца ў Законе, пакуль не збудзецца ўсё. ¹⁹Таму, калі хто парушыць адну з гэтых найменшых запаведзяў і навучыць гэтаму людзей, той найменшым назавецца ў Валадарстве Нябесным. Хто ж выканае і навучыць, той вялікім назавецца ў Валадарстве Нябесным.

Разважанне да Божага слова

Езус прыходзіць выканаць не сухія палажэнні Закона, а Закон Любові: волю Айца. Ніхто не прымушае Яго выконваць яе. Ён хоча гэта зрабіць з любові да Айца, а Ён таксама кіруецца любоўю да сваіх дзяцей. Да цябе. Езус просіць нас любіць Бога, іншых і сябе, просіць заставацца часткай цудоўнай вялікай сям'і назаўжды. Падумай хвіліну, ці прыходзіць табе на памяць хтосьці, каму вельмі неабходна ў гэты момант адчуць Божую любоў. Распавядзі Богу пра гэтага чалавека.

Размова

О, Пане, будзь заўсёды побач.
Ствары ўва мне даверлівае сэрца.
Дзякую Табе за любоў.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн