Прысутнасць

“Прыйдзіце да Мяне ўсе абцяжараныя, і Я супакою вас”. (Мц 11:28). Вось я, Пане. Прыходжу шукаць Тваёй прысутнасці. Прагну Твайго гаючага дотыку, поўнага моцы.

Свабода

Напоўні мяне Духам Тваім Святым, Пане,
дзеля ўнутранай свабоды.
Няхай Твой Дух узбудзіць у сэрцы
жаданне ведаць і любіць Цябе з кожным днём усё больш.

Усведамленне

У прысутнасці майго любячага Стварыцеля я шчыра гляджу на свае пачуцці за апошні дзень: уздымы, спады і спакойны стан. Ці бачу, дзе быў Пан?

Божае слова

¹⁶Якуб нарадзіў Юзафа, мужа Марыі, ад якой нарадзіўся Езус, званы Хрыстом.^,

¹⁸ Нараджэнне Езуса Хрыста было такім. Пасля заручын Маці Ягонай Марыі з Юзафам, перш чым яны пачалі жыць разам, Яна зачала ад Духа Святога. ¹⁹Юзаф жа, муж Яе, будучы справядлівым і не жадаючы зняславіць Яе, хацеў патаемна адпусціць Яе. ²⁰Калі ён надумаў гэта, вось анёл Пана з’явіўся яму ў сне і сказаў: «Юзэфе, сыне Давіда, не бойся прыняць Марыю, жонку тваю, бо зачатае ў Ёй ёсць ад Духа Святога. ²¹ Яна ж народзіць Сына, а ты дасі Яму імя Езус, бо Ён збавіць народ свой ад грахоў ягоных».

²⁴Абудзіўшыся ад сну, Юзаф зрабіў, як загадаў яму анёл Пана, і прыняў жонку сваю.

Разважанне да Божага слова

Прыняць дар, якім ёсць Езус, – значыць падзяліцца Ім з іншымі. Святы Юзаф, пакліканы стаць Абраннікам Найсвяцейшай Панны Марыі і Апекуном Езуса, разумеў гэта. Чалавек, які пачуў слова Анёла, з таго моманту верна суправаджаў даручаных яму Богам асоб.

Якім быў першы ўплыў Юзафа на малога Езуса? Як Юзаф разумеў, што за таямніца здзяйсняецца поруч з ім? Ці можаш уявіць этапы, якія яму давялося прайсці, перш чым з пакорай дзейнічаць згодна з Божай задумай?

Размова

Якія пачуцці ўзнікаюць ва мне, калі я малюся і разважаю над Божым Словам?
Я ўяўляю самога Езуса, які сядзіць ці стаіць каля мяне, і адкрываю Яму сваё сэрца.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн