Прысутнасць

Бог ёсць Эммануэль, Бог-са-мной. Ягоная прысутнасць ахінае мяне прамяністай любоўю. Ён дакладна ведае, што мне патрэбна ў кожны момант. Я ўскладаю ўвесь свой давер на Яго.

Свабода

Пане, я малюся аб Тваім дары свабоды.
Няхай Твой Святы Дух
вядзе тых, хто ва ўладзе, працаваць дзеля
сапраўднай справядлівасці для ўсяго Божага народу.

Усведамленне

Пане, падрыхтуй глебу майго сэрца, каб прыняць зерне Твайго Слова. Няхай яно пусціць карані, расце і дасць багаты ўраджай дзеля Тваёй хвалы і майго дабра.

Божае слова

⁸І, хутка адышоўшы ад магілы, са страхам і вялікай радасцю яны пабеглі паведаміць вучням Ягоным. Езус з’яўляецца жанчынам ⁹А Езус, выйшаўшы ім насустрач, сказаў: «Вітайце». Яны ж, падышоўшы, абнялі ногі Ягоныя і пакланіліся Яму. ¹⁰Тады Езус сказаў ім: «Не бойцеся. Ідзіце, паведаміце братам Маім, каб ішлі ў Галілею, там Мяне ўбачаць».

¹¹Калі яны былі ў дарозе, некаторыя з варты прыйшлі ў горад і паведамілі першасвятарам пра ўсё, што сталася. ¹²Тыя сабраліся са старэйшынамі, параіліся і далі жаўнерам даволі шмат срэбранікаў, ¹³13 кажучы: «Скажыце, што вучні Ягоныя прыйшлі ўначы і выкралі Яго, калі мы спалі. ¹⁴14 А калі гэта дойдзе да вушэй намесніка, мы пераканаем яго і ўратуем вас ад непрыемнасцяў». ¹⁵15 Яны ж узялі срэбранікі і зрабілі так, як іх навучылі. І разнеслася чутка пра гэта сярод юдэяў аж да сённяшняга дня.

Разважанне да Божага слова

Жанчыны сустрэлі Езуса адразу пасля таго, як паверылі анёлу. Іх здзіўленне змяняецца радасцю, і з гэтай радасці вынікае абвяшчэнне Евангелля. Езус пасылае жанчын распавядаць іншым вучням. Які твой досвед уваскрасення? Як ты можаш падзяліцца ім?

Жаўнеры таксама бачылі пустую магілу Езуса і чулі, як анёл размаўляе з жанчынамі, але ў рэшце рэшт вырашылі схлусіць. Падумай, чаму ў некаторых сітуацыях цяжка абвяшчаць Евангелле?

Езус хоча сустрэцца з вучнямі ў Галілеі – месцы, дзе пачалася іх агульная гісторыя. Дзе – у свеце ці ў тваім сэрцы – Бог запрашае цябе сустрэцца з Ім?

Размова

Пане, Ты выразаў маё імя
на Сваіх далонях.
Нават калі іншыя мяне забываюць,
Ты не забудзеш ніколі.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн