Прысутнасць

Стаю ў Тваёй прысутнасці, Божа.
Няхай заўсёды ў мяне будзе час, каб бачыць і смакаваць
прыгажосць, якую Ты стварыў
дзеля майго захаплення.

Свабода

Твая смерць на крыжы вызваліла мяне.
Я магу жыць радасна і свабодна,
без страху смерці.
Твая міласэрнасць не ведае межаў.

Усведамленне

Як вядома, на ўсё ёсць свой час і месца.
Пане, дай мне заўсёды жадаць
вяртацца ў Тваю прысутнасць,
слухаць Тваё слова.

Божае слова

²³У той дзень вы ні пра што не будзеце ў Мяне пытацца. Сапраўды, сапраўды кажу вам: калі чаго ў імя Маё папросіце ў Айца, дасць вам. ²⁴Дагэтуль вы нічога не прасілі ў імя Маё. Прасіце і атрымаеце, каб радасць вашая была поўнай.

²⁵Гэта Я казаў вам у прыпавесцях. Надыходзіць час, калі ўжо не ў прыпавесцях буду казаць, а адкрыта абвяшчу вам пра Айца. ²⁶У той дзень будзеце прасіць у імя Маё. І не кажу, што Я буду прасіць Айца за вас. ²⁷Сам Айцец любіць вас, бо вы Мяне палюбілі і паверылі, што Я выйшаў ад Бога.^{, 28}Я выйшаў ад Айца і прыйшоў у свет. Зноў пакідаю свет і іду да Айца».

Разважанне да Божага слова

Калі Езус вярнуўся да Айца, вучні атрымалі дар Святога Духа. Езус абяцаў вялікія плады сваёй працы, якія ажыццявіліся на працягу наступных стагоддзяў. Святы Дух дазволіў вучням Хрыста пазнаць Бога ва ўсім, што яны перажывалі: у радасці і смутку, у адносінах і ў малітве, у сведчанні і будзённай працы. Які твой досвед пладоў дзеяння Святога Духа?
Святы Ігнацый Лаёла казаў, што ключ да сапраўдных адносін з Богам у тым, каб пазнаць, палюбіць і пайсці за Хрыстом. Таму, калі мы адчуваем бясконцую Божую Любоў, сэрца нібы само імкнецца падзяліцца ёю з іншымі. Куды Бог пасылае цябе сёння з дотыкам Любові?

Размова

Я пачынаю размаўляць з Езусам пра ўрывак са Святога Пісання, якім толькі што маліўся.
Што найбольш закранае мяне?
Магчыма, словы сябра, або нейкая гісторыя, якую я нядаўна пачуў, або нейкі вопыт,
павольна падымуцца на паверхню маёй свядомасці.
Калі так, то ці гэты ўспамін пралівае святло на тое, што кажа мне ўрывак са Святога Пісання?

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн