Прысутнасць

“Прыйдзіце да Мяне ўсе абцяжараныя, і Я супакою вас”. (Мц 11:28). Вось я, Пане. Прыходжу шукаць Тваёй прысутнасці. Прагну Твайго гаючага дотыку, поўнага моцы.

Свабода

Буду прасіць Божай дапамогі, каб
быць свабодным ад прадузятасці,
быць адкрытым на Бога падчас малітвы, і
больш пазнаваць, любіць і служыць Яму.

Усведамленне

Усведамляючы Тваю прысутнасць, Пане,
праглядаю сваё нядаўняе мінулае.
Прагну быць шчырым з самім сабой адносна ўсяго, што адбылося,
і сваіх думак, слоў і ўчынкаў,
бо я ведаю, што Ты любіш праўду ў сэрцы
і прымаеш мяне такім, які я ёсць.

Божае слова

²⁹Вучні сказалі Езусу: «Вось цяпер Ты гаворыш адкрыта і не кажаш ніякай прыпавесці. ³⁰Цяпер мы ведаем, што Ты ведаеш усё і не маеш патрэбы, каб нехта пытаўся ў Цябе. Таму верым, што Ты прыйшоў ад Бога». ³¹Езус адказаў ім: «Цяпер верыце? ³²Вось надыходзіць час і ўжо настаў, калі вы рассеецеся кожны ў свой бок і Мяне пакінеце аднаго. Але Я не адзін, бо Айцец са Мною. ³³Гэта Я сказаў вам, каб вы мелі ўва Мне спакой. У свеце зведаеце ўціск, але будзьце адважнымі: Я перамог свет».

Разважанне да Божага слова

Вучні часта апыналіся на “лініі агню” і, не зважаючы на запэўніванні Езуса і нават забыўшыся на відавочныя доказы, сведкамі якіх яны былі, пакуль хадзілі з Ім, зноў і зноў выказвалі досыць хісткае разуменне веры. Езус вучыў іх, выказваўся наўпрост, але яснасць тлумачэння не гарантавала, што вучні адкрыюць сэрцы на праўду. Мы ведаем, што і самі застаёмся ўпартымі і маруднымі да прыняцця слоў Езуса. Аднак просім Цябе, Пане, дапамажы глыбей зразумець і паверыць у тое, што чуем ад Цябе, і быць Тваімі сведкамі ў той культуры, у якой жывём сёння.

Размова

Добры Езу, я магу адкрыць Табе сэрца.
Магу сказаць Табе ўсё, што мяне турбуе.
Я ведаю, што Цябе хвалююць усе мае клопаты.
Навучы мяне жыць, не забываючыся,
што Ты ахінаеш мяне апекай сёння
і будзеш клапаціцца заўтра і ва ўсе дні жыцця майго.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн