Прысутнасць

Пане, пакуль я тут,
напоўні маё сэрца і ўсю маю істоту
цудам Тваёй прысутнасці.

Свабода

«У тыя дні Бог вучыў мяне,
як школьны настаўнік вучня» (св. Ігнацый).
Я нагадваю сабе, што ёсць рэчы, якім Бог яшчэ не навучыў мяне,
і прашу адарыць ласкай, каб пачуць іх і дазволіць змяніць мяне.

Усведамленне

Пане, адкрый маё сэрца на тое, каб пачуць і прыняць Тваё Слова. Няхай гэта прынясе вялікі плён у маім жыцці і ў жыцці іншых людзей.

Божае слова

³⁷Хто любіць бацьку ці маці больш за Мяне, не варты Мяне. І хто любіць сына ці дачку больш за Мяне, не варты Мяне. ³⁸I хто не бярэ крыжа свайго, а ідзе за Мною, той не варты Мяне. ³⁹Хто знайшоў жыццё сваё, страціць яго. А хто страціў жыццё сваё дзеля Мяне, знойдзе яго.

⁴⁰Хто прымае вас, Мяне прымае. А хто прымае Мяне, прымае таго, хто паслаў Мяне. ⁴¹Хто прымае прарока ў імя прарока, атрымае ўзнагароду прарока. І хто прымае справядлівага ў імя справядлівага, атрымае ўзнагароду справядлівага. ⁴²I хто напоіць аднаго з малых гэтых толькі кубкам халоднай вады як вучня, сапраўды кажу вам, не страціць узнагароды сваёй».

Разважанне да Божага слова

Езус не заахвочвае ненавідзець сваіх блізкіх. Мы павінны любіць іх як толькі можам, але пры гэтым захоўваць у сабе свабоду ісці туды, куды пасылае Пан. Св. Ігнацый Лаёла заахвочвае да бясстраснасці, “святой абыякавасці”, з якой нам варта карыстацца светам і будаваць адносіны, вольныя ад неўпарадкаваных прывязанасцяў, што перашкаджаюць ісці за Хрыстом. Менавіта з такім стаўленнем да свету можна зрабіць яшчэ больш дабра, выходзячы за межы сваёй зоны камфорту, нават калі іншыя не разумеюць тваіх учынкаў.

Немагчыма ў паўнаце прыняць Езуса, не прыняўшы сябе. Таксама немагчыма быць адкрытым для іншых, не будучы адкрытым для сябе. Калі часам табе цяжка быць добрым да сябе, не хапае цярплівасці або патрабаванні занадта высокія, папрасі Пана паказаць табе, як Ён на цябе глядзіць: як Ён прымае і любіць безумоўна.

Размова

Якія ласкі хоча ўдзяліць мне Бог ў гэтай малітве? Услухаюся, у цішыні сэрца, што Пан кажа мне…

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн