Прысутнасць

О Пане, Ты назваў мяне па імені,
запісаў на Сваіх далонях.
Дазволь мне ўзрастаць у даверы і ніколі не паддавацца адчаю.

Свабода

Пане, ахвярую Табе – як святы Ігнацый – сваю памяць, розум,
усю сваю волю. Усё, чаго я прашу ў адказ, гэта Тваёй любові і Тваёй ласкі – і мне хопіць.

Усведамленне

Учыні, Езу, каб я заўсёды адчуваў Тваю прысутнасць,
Тваю моц і любоў,
ва ўсе дні жыцця майго.

Божае слова

¹³Калі прыйшоў Езус у межы Цэзарэі Філіпавай, запытаўся ў сваіх вучняў, кажучы: «Кім людзі лічаць Сына Чалавечага?» ¹⁴ Яны ж адказалі: «Адны — Янам Хрысціцелем, другія ж — Іллёю, а іншыя — Ераміем ці адным з прарокаў». ¹⁵Ён сказаў ім: «А вы кім лічыце Мяне?» ¹⁶Адказваючы, Сымон Пётр сказаў: «Ты — Хрыстус, Сын Бога Жывога». ¹⁷Тады Езус сказаў яму ў адказ: «Шчаслівы ты, Сымоне, сыне Ёны, бо не цела і кроў адкрылі табе гэта, але Айцец Мой, які ў нябёсах. ¹⁸ I Я кажу табе, што ты — Пётр, скала, і на гэтай скале Я пабудую Касцёл Мой, і брамы пякельныя не перамогуць яго. ¹⁹Я дам табе ключы Валадарства Нябеснага, і што звяжаш на зямлі, тое будзе звязана ў небе, а што развяжаш на зямлі, тое будзе развязана ў небе».

Разважанне да Божага слова

Вядома, адзінай наймацнейшай скалой з'яўляецца сам Бог. Менавіта так Яго называюць псальмы: “скала і збаўленне”. Аднак Божае валадарства, Касцёл, таксама пабудавана на нас, на Пятры, яго пераемніках, на ўсіх, хто чуе Яго голас, і, такім чынам, на табе таксама.

Кім ты лічыш Езуса? Ці часта задаеш сабе гэтае пытанне? І як на яго адкажаш сёння? Ён не хавае, хто Ён, і веданне гэтай праўды ёсць благаслаўленнем.

Размова

Сябры не хаваюць адзін ад аднаго сакрэтаў.
Калі я малюся, ці магу паглядзець на Езуса як на свайго сябра
і падзяліцца з Ім сваім патаемным,
з верай, што Ён мяне разумее?

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн