Прысутнасць

О Пане, Ты назваў мяне па імені,
запісаў на Сваіх далонях.
Дазволь мне ўзрастаць у даверы і ніколі не паддавацца адчаю.

Свабода

Дзякуй за дар свабоды, Пане.
Дай мне магчымасць верна ісці за Табою.
Дапамажы заўсёды памятаць пра шляхі Твае,
а таксама пра Тваю любоў і апеку над усім светам.

Усведамленне

Душа мая прагне Тваёй прысутнасці, Пане. Калі я ўзношу свае думкі да Цябе, знаходжу спакой і наталенне.

Божае слова

¹У той час Езус праходзіў у шабат праз збожжа. А вучні Ягоныя згаладаліся і пачалі зрываць каласы і есці. ²Фарысеі, убачыўшы гэта, сказалі Яму: «Вось вучні Твае робяць тое, чаго нельга рабіць у шабат». ³А Ён адказаў ім: «Вы не чыталі, што рабіў Давід, калі згаладаўся сам і тыя, хто быў з ім? ⁴Як увайшоў у дом Божы і еў ахвярныя хлябы, якіх нельга было есці ні яму, ні тым, хто быў з ім, а толькі адным святарам? ⁵Або ці не чыталі вы ў Законе, што ў шабат святары ў святыні парушаюць шабат, аднак не вінаватыя? ⁶Але кажу вам, што тут нешта большае за святыню. ⁷Калі б вы ведалі, што азначае: “Міласэрнасці хачу, а не ахвяры”, не асудзілі б невінаватых. ⁸Бо Сын Чалавечы – гаспадар шабату».

Разважанне да Божага слова

Падзяленне меркаванняў наконт Езуса зноў стала відавочным. Фарысеі выйшлі і змовіліся супраць Яго, як Яго загубіць, але за Ім ішло мноства людзей. Мы молімся аб ясным розуме, каб верыць і ісці за Ім, нягледзячы на варожасць гэтага веку.

Размова

О, Пане, будзь заўсёды побач.
Ствары ўва мне даверлівае сэрца.
Дзякую Табе за любоў.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн