Прысутнасць

“Прыйдзіце да Мяне ўсе абцяжараныя, і Я супакою вас”. (Мц 11:28). Вось я, Пане. Прыходжу шукаць Тваёй прысутнасці. Прагну Твайго гаючага дотыку, поўнага моцы.

Свабода

«Вельмі мала людзей,
якія разумеюць, што з імі зрабіў бы Бог,
калі б яны аддаліся ў Ягоныя рукі,
і дазволілі Ягонай ласцы сфармаваць сябе» (Святы Ігнацый).
Прашу аб ласцы цалкам даверыцца Божай любові.

Усведамленне

О, Пане, дапамажы мне заўсёды
усведамляць важныя рэчы ў жыцці,
клапаціцца пра тых, хто побач,
шукаць Тваёй прысутнасці ва ўсіх, каго сустракаю.

Божае слова

¹⁴Фарысеі ж выйшлі і мелі нараду супраць Езуса, як бы загубіць Яго. Спаўненне прароцтваў пра Божага Слугу

¹⁵Але Езус, даведаўшыся, адышоў адтуль. За Ім пайшло шмат людзей, і Ён аздаравіў усіх. ¹⁶І забараніў ім выяўляць Яго, ¹⁷каб збылося сказанае прарокам Ісаем:

¹⁸«Вось слуга Мой, якога Я выбраў, умілаваны Мой, якога ўпадабала душа Мая. Духа Майго дам Яму, а Ён абвесціць суд народам. ¹⁹Не будзе пярэчыць і лямантаваць, і ніхто не пачуе на плошчах голасу Яго. ²⁰Трысціны надламанай не пераломіць і не пагасіць тлеючага кнота, пакуль не давядзе суд да перамогі. ²¹ І ў імені Ягоным народы будуць мець надзею».

Разважанне да Божага слова

Чытанні гэтых дзён утрымліваюць шмат звестак пра фарысеяў і пра тое, як яны глядзелі на Езуса. Ты быў пагрозай, Пане, і іх адносіны да Цябе сведчылі, што Табе даводзілася пастаянна асцерагацца падману і хітрасці. Звычайна іх намеры не былі высакароднымі, калі яны прыходзілі распытаць Цябе. Дай нам арлінае вока, Пане, але таксама дай і адкрытае сэрца ў той час, калі мы намагаемся спазнаць Тваю любоў да нас.

Размова

Паразважаю, як я сёння слухаў Божае слова. Што я хацеў бы ўзяць з сабой? Што хачу запомніць з сённяшняга чытання?

Заканчэнне

Я дзякую Богу за магчымасць правесці сам-насам з Ім некалькі хвілін,
і цяпер іду далей з радасцю і надзеяй
служыць Яго народу.

Амэн