Прысутнасць

Пане, дапамажы мне шырока адчыніць Табе дзверы сэрца
на гэты час, калі я адкладаю ўбок турботы і справы.
Напоўні плынь маіх думак спакоем і любоўю.

Свабода

Пане, Ты стварыў мяне жыць у свабодзе.
У асноўным я ўспрымаю гэты дар як належнае.
Натхні мяне жыць у свабодзе, якую Ты задумаў для мяне,
са спакойным сэрцам і поўным даверам да Цябе.

Усведамленне

У гэты момант, Пане, я скіроўваю думкі да Цябе.
Я пакіну ў баку свае справы і клопаты.
Адпачну і аднаўлю сілы ў Тваёй прысутнасці.

Божае слова

³⁸Тады некаторыя кніжнікі і фарысеі сказалі Яму: «Настаўнік, хочам ад Цябе ўбачыць знак». ³⁹А Ён адказаў ім: «Пакаленне ліхое і нявернае шукае знаку, але ніякага знаку не будзе дадзена яму, акрамя знаку Ёны прарока. ⁴⁰Бо як Ёна быў у чэраве кіта тры дні і тры ночы, так і Сын Чалавечы будзе ў сэрцы зямлі тры дні і тры ночы. ⁴¹Мужы Нінівы ўстануць на судзе супраць гэтага пакалення і асудзяць яго, бо яны пакаяліся дзякуючы прапаведаванню Ёны, а тут большае за Ёну. ⁴²Каралева Поўдня ўстане на судзе з гэтым пакаленнем і асудзіць яго, бо яна прыйшла з краю зямлі паслухаць мудрасці Саламонавай; і вось, тут большае за Саламона!

Разважанне да Божага слова

Чым больш мы рухаемся наперад, тым цяжэй адрозніць добрае ад няправільнага. Часам усё здаецца складаным, і мы схільныя шукаць адказы звонку замест таго, каб знайсці час, зазірнуць унутр разам з Табой, Езу, і паглядзець у Твой бок. Трымай нас за рукі, Пане, калі мы спрабуем прадзерціся праз гэтыя зараснікі і знайсці нейкія прыдатныя шляхі наперад.

Размова

Пане, дапамажы мне дастаткова сцішыцца, каб пачуць Твой вельмі ціхі голас. Дапамажы мне давяраць таму, што я чую. Тваё Слова прыносіць палёгку, суцяшэнне і падбадзёрванне. Усё іншае я аддаляю ад сябе.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн