Прысутнасць

“Любоўю вечнай Я палюбіў цябе” (Ер 31:3). Пане, няхай гэтыя словы ўкараняцца у сэрцы падчас сённяшняй малітвы.

Свабода

Пане, я малюся аб Тваім дары свабоды.
Няхай Твой Святы Дух
вядзе тых, хто ва ўладзе, працаваць дзеля
сапраўднай справядлівасці для ўсяго Божага народу.

Усведамленне

Божа, дай мне адпачыць у Тваёй прамяністай прысутнасці, як кветка грэецца ў святле і цяпле сонца. Дзякуй, што прыносіш святло і цеплыню ў маё жыццё праз іншых людзей, праз прыроду, праз сваё Слова.

Божае слова

³¹І прыйшоў у Кафарнаум, галілейскі горад, і навучаў іх у дні шабату. ³²І здзіўляліся вучэнню Ягонаму, таму што слова Ягонае мела ўладу. ³³Быў у сінагозе чалавек, які меў нячыстага духа. Ён закрычаў моцным голасам: ³⁴«Ах! Што Табе да нас, Езус Назаранін? Ты прыйшоў загубіць нас? Я ведаю Цябе, хто Ты: Святы Божы». ³⁵Але Езус забараніў яму, кажучы: «Змоўкні і выйдзі з яго!» Тады злы дух кінуў яго на сярэдзіну і выйшаў з яго, нічым не нашкодзіўшы яму. ³⁶І здзіўленне ахапіла ўсіх, і казалі адзін аднаму: «Што гэта за слова, што з ўладаю і моцай Ён загадвае нячыстым духам, і яны выходзяць?» ³⁷І разнеслася пагалоска пра Яго па ўсёй навакольнай мясцовасці.

Разважанне да Божага слова

Часам нам даводзіцца сутыкацца з рэальнасцю і прымаць няпростыя рашэнні, калі нашыя каштоўнасці патрабуюць праверкі. У такія хвіліны мы просім Цябе, Пане, адарыць нас верай, каб мы маглі шанаваць Твой аўтарытэт як вышэйшы за любую сілу зла.

Размова

Пане, дапамагай мне кожны дзень
шукаць Тваёй прысутнасці ўсё больш і больш.
Напоўні сэрца любоўю да Цябе.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн