Прысутнасць

На момант я спыняюся і разважаю пра жыватворчую прысутнасць Бога
Думаю, як рэчаіснасць навокал,
паветра, усё маё цела
іскрыць прысутнасцю Бога.

Свабода

Дзякуй за дар свабоды, Пане.
Дай мне магчымасць верна ісці за Табою.
Дапамажы заўсёды памятаць пра шляхі Твае,
а таксама пра Тваю любоў і апеку над усім светам.

Усведамленне

Пане, Ты прысутны ва ўсім
і калі я знаходжу час, каб проста пасядзець і пабыць з Табой,
мой розум адпачывае
і я адчуваю Твой супакой.

Божае слова

¹ У шабат Езус праходзіў праз збожжа, а вучні Ягоныя зрывалі каласы і елі, расціраючы рукамі. ² Некаторыя ж з фарысеяў казалі: «Чаму вы робіце тое, што не дазволена ў шабат?» ³ Тады Езус сказаў ім у адказ: «Хіба не чыталі вы, што зрабіў Давід, калі згаладаўся сам і тыя, хто быў з ім? ⁴ Як увайшоў у дом Божы, узяў ахвярныя хлябы, якіх нельга было есці нікому, акрамя святароў, з’еў сам і даў тым, хто быў з ім». ⁵ І сказаў ім: «Сын Чалавечы — гаспадар шабату».

Разважанне да Божага слова

Ва ўрыўку, над якім мы сёння молімся, вучні апынуліся ў цяжкім становішчы. Што рабіць: адказаць на надзвычайную патрэбу тым, што ёсць пад рукой, ці строга прытрымлівацца закону? Яны вырашылі зрабіць тое, што было найлепшым для ўсіх. Будзем жа прасіць аб мудрасці, каб захоўваць шырокую перспектыву позірку ў складаных сітуацыях.

Размова

Дар маўлення – цудоўны дар.
Навучы мяне выкарыстоўваць гэты дар з дабрынёй.
Няхай я буду марудны да выказвання рэзкіх,
крыўдных, гнеўных і жорсткіх слоў.

Заканчэнне

Напоўнены любячай прысутнасцю Бога,
Я прашу Яго благаславіць мяне і накіроўваць мае крокі
у спаўненні Яго волі і супрацоўніцтве з Яго ласкай у сваім штодзённым жыцці.

Амэн